Astanada ruqsat etilmegen eki polıgon joıyldy

1500-den astam stýdent pen elordalyq máslıhat depýtattary «Nura-Esil» kanalynan 200 tonnadan astam qoqys jınady. Ruqsat etilmegen qoqys oryndarynan qoqys shyǵarý úshin 30-dan astam aýyr júk reısi jasaldy.

«Elordalyq depýtattar osy ekologııalyq akııaǵa belsendi qatysyp jatyr. Búgin biz «Nura-Esil» kanalyn tazalaý akııasyn uıymdastyrdyq. Akııaǵa stýdentter belsendi qatysyp jatyr. Qalanyń tazalyǵy árqaısymyzdan bastalady, al tazalyqty saqtaý – bárimizdiń ortaq jaýapkershiligimizde. Bul óskeleń urpaqqa úlgi bolady. Bul bastama qorshaǵan ortany qorǵaýǵa ujymdyq qatysýdyń mańyzdylyǵyn kórsetedi. Mundaı is-sharalar bizdiń ekologııamyzdyń jaı-kúıin jaqsartýǵa kóbirek adamdardy belsendi qatysýǵa yntalandyrady dep úmittenemin», – dedi elordalyq máslıhat depýtaty Ǵabıt Tájimuratov.

Astanada ekoakııa áli de jalǵasady.

Eske sala keteıik, aýqymdy ekoakııa aıasynda qalany sanıtarlyq tazartý, nóser jáne aryq kanalızaııasy, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.

«Biz, stýdentter, qorshaǵan ortany jaqsartýǵa úles qosa alatynymyzdy maqtan tutamyz. Bizdiń belsendiligimiz basqalardy da osyndaı bastamalarǵa qyzyqtyrady dep úmittenemin. Astanada ekoakııa bastalǵannan beri qalmaı qatysyp júrmiz», – dedi elordalyq kolledj stýdenti Alıman Nurıslamov.

Sondaı-aq, jasyl jelekterdi kútip-ustaý jáne otyrǵyzý, saýda obektilerine irgeles aýmaqtardy jınaý, kógaldar men gúlzarlar ornatý, ruqsat etilmegen polıgondardy joıý jáne t. b. jumystar júrgizilýde.