Astanada tanymal trener shákirtin aıaýsyz soqqyǵa jyqqan

Foto: ashyq derekkóz

Astanada jattyqtyrýshy shákirtin aıamaı soqqyǵa jyqqan, dep habarlaıdy qandastar.kz

Bul týraly zardap shegýshiniń aǵasy Liter.kz redakııasyna habarlasqan.

Astana turǵyny habarlasyp, baýyry aýyr jaraqattarmen aýrýhanada jatqanyn, oǵan jattyqtyrýshysy shabýyl jasaǵanyn aıtty.

Damır esimdi azamattyń aıtýynsha, oqıǵa 29 naýryz kúni tańerteń bolǵan. Onyń inisi sportzalǵa barǵan, ol jerde ózi jattyǵyp qana qoımaı, massajıst bolyp ta jumys isteıtin.

“Bul qorqynyshty oqıǵa bizdiń otbasymyz úshin úlken soqqy boldy. Qazir dárigerler onyń denesindegi barlyq jaraqattardy tirkep, tolyq tekserý júrgizdi. Zamır dárigerlerdiń baqylaýynda, biz onyń densaýlyǵy úshin qatty alańdaımyz… MRT men rentgen nátıjeleri qabyrǵasynyń synǵanyn jáne mıy shaıqalǵanyn kórsetti. Sonymen qatar, basyna jáne denesine kóptegen soqqylar tıgen. Ol qatty aýyrsyný saldarynan qozǵala almaıdy, dárigerler kateter ornatýǵa májbúr boldy”, – dedi Damır.

Sonymen qatar, zardap shekken jigittiń erni ishki jaǵynan jyrtylǵan.

“Eń soraqysy, munyń bárin Zamır senim artqan, qurmettegen jáne kómektesken adam jasady… Zamır – óte sabyrly, ustamdy jigit, eshqashan janjalǵa barmaıdy, únemi tyńdap, baıyppen qaraıdy. Ol jattyqtyrýshyǵa birde-bir soqqy tıgizbegen, al jaýap retinde 20-dan astam soqqy alǵan. Tipti, ony tunshyqtyrmaq bolǵan… Jattyqtyrýshylar bulaı áreket etpeýi kerek”, – dep ashyndy Damır.

Zardap shekken taraptyń aıtýynsha, jattyqtyrýshy – tanymal adam, ol IronMan (uzaq qashyqtaǵy trıatlonǵa qatysýshy) mártebesiniń ıegeri.

Jaqyndary bul oqıǵa boıynsha polıııaǵa aryz túsirgen.

Instagram jelisinde bul oqıǵa qyzý talqylanyp, kópshilik jattyqtyrýshynyń qatań jazalanýyn talap etýde:

• “Tolyqtaı kelisemin! Aqyl-esi durys adam bulaı jasamaıdy.”
• “Ne bolǵany mańyzdy emes, bastysy – bir adam ekinshisiniń qolynan aýyr jaraqat aldy. Bul jazasyz qalmaýy kerek.”
• “Netken sumdyq! Qandaı janjal bolsa da, ol adamǵa qol kóterýge quqyly emes! Onyń ústine osynshalyqty qatygezdikpen sabaǵan!”

Liter.kz redakııasy Astana qalasy Polıııa departamentiniń baspasóz qyzmetine suraý joldady.

“Bul fakt boıynsha Astana qalasy Nura aýdany polıııa basqarmasy QR QK 107-babynyń 1-bóligi – “Densaýlyqqa qasaqana ortasha aýyrlyqtaǵy zııan keltirý” boıynsha sotqa deıingi tergeý bastady”, – dep habarlady vedomstvo.

Qazirgi ýaqytta tergeý amaldary júrgizilýde, onyń nátıjesi boıynsha quqyqtyq sheshim qabyldanady.