استانادا ۇقشۇ ەلدەرىنىڭ سىرتقى ىستەر مينيسترلەرى مەن قورعانىس مينيسترلەرى جينالدى: ولار نەنى تالقىلادى

Zakon.kz جازعانداي, ۇيىمنىڭ ءباسپاسوز قىزمەتىنىڭ حابارلاۋىنشا, شاراعا ۇقشۇ باس حاتشىسى يمانعالي تاسماعامبەتوۆ پەن ۇقشۇ بىرىككەن شتابىنىڭ باستىعى گەنەرال-پولكوۆنيك اندرەي سەرديۋكوۆ قاتىستى.

«كەزدەسۋگە قاتىسۋشىلار ۇجىمدىق قاۋىپسىزدىك ايماقتارىنداعى اسكەري-ساياسي جاعداي تۋرالى پىكىر الماستى, ىنتىماقتاستىق ناتيجەلەرى مەن ۇجىمدىق قاۋىپسىزدىك جۇيەسىن ودان ءارى دامىتۋ پەرسپەكتيۆالارىن تالقىلادى. 1941-1945 جىلدارداعى ۇلى وتان سوعىسىنداعى جەڭىستىڭ 80 جىلدىعىن بىرلەسىپ مەرەكەلەۋگە دايىندىق ماسەلەلەرىنە ەرەكشە نازار اۋدارىلدى», — دەلىنگەن حابارلامادا.

سونىمەن قاتار, تاراپتار ۇقشۇ ۇجىمدىق قاۋىپسىزدىك كەڭەسىنىڭ قاراۋىنا ۇسىنىلعان بىرقاتار قۇجاتتاردى ماقۇلداپ, وداقتاستىق بايلانىستاردى ودان ءارى نىعايتۋعا, سىرتقى ساياسي ۇيلەستىرۋدى ارتتىرۋعا جانە ۇجىمدىق كۇشتەردى دامىتۋعا باعىتتالعان شەشىمدەر قابىلداندى.

بۇگىن, 28 قاراشادا استانادا ۇجىمدىق قاۋىپسىزدىك شارتى ۇيىمىنىڭ (ۇقشۇ) ءسامميتى وتەدى. وعان قاتىسۋ ءۇشىن قازاقستان استاناسىنا مارتەبەلى مەيماندار كەلدى: رەسەي پرەزيدەنتى ۆلاديمير پۋتين, بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى سادىر جاپاروۆ جانە ت.ب.