Astanada UQShU elderiniń syrtqy ister mınıstrleri men qorǵanys mınıstrleri jınaldy: olar neni talqylady

Zakon.kz jazǵandaı, uıymnyń baspasóz qyzmetiniń habarlaýynsha, sharaǵa UQShU Bas hatshysy Imanǵalı Tasmaǵambetov pen UQShU Birikken shtabynyń bastyǵy general-polkovnık Andreı Serdıýkov qatysty.

«Kezdesýge qatysýshylar ujymdyq qaýipsizdik aımaqtaryndaǵy áskerı-saıası jaǵdaı týraly pikir almasty, yntymaqtastyq nátıjeleri men ujymdyq qaýipsizdik júıesin odan ári damytý perspektıvalaryn talqylady. 1941-1945 jyldardaǵy Uly Otan soǵysyndaǵy Jeńistiń 80 jyldyǵyn birlesip merekeleýge daıyndyq máselelerine erekshe nazar aýdaryldy», — delingen habarlamada.

Sonymen qatar, taraptar UQShU Ujymdyq qaýipsizdik keńesiniń qaraýyna usynylǵan birqatar qujattardy maquldap, odaqtastyq baılanystardy odan ári nyǵaıtýǵa, syrtqy saıası úılestirýdi arttyrýǵa jáne Ujymdyq kúshterdi damytýǵa baǵyttalǵan sheshimder qabyldandy.

Búgin, 28 qarashada Astanada Ujymdyq qaýipsizdik sharty uıymynyń (UQShU) sammıti ótedi. Oǵan qatysý úshin Qazaqstan astanasyna mártebeli meımandar keldi: Reseı prezıdenti Vladımır Pýtın, Belarýs prezıdenti Aleksandr Lýkashenko, Qyrǵyzstan prezıdenti Sadyr Japarov jáne t.b.