استانالىقتاردىڭ تەلەفونىنا دابىل ەسكەرتۋى كەلدى

فوتو:pixabay.com

تسيفرلىق دامۋ مينيسترلىگىنىڭ وكىلدەرى بۇگىن استانالىقتاردىڭ تەلەفوندارىنا كەلگەن دابىل ەسكەرتۋىنىڭ سەبەبىن ءتۇسىندىردى, دەپ جازدى qandastar.kz

«بۇگىن استانادا قالا تۇرعىندارى مەن قوناقتارىنىڭ سمارتفوندارىندا ۇلتتىق ەسكەرتۋ ىسكە قوسىلدى.

قازىرگى ۋاقىتتا استانا قالاسىن Cell Broadcast تەحنولوگياسى بويىنشا توتەنشە جاعدايلار كەزىندە جاپپاي قۇلاقتاندىرۋ جۇيەسىنە قوسۋ بويىنشا جۇمىستار جۇرگىزىلىپ جاتقانىن حابارلايمىز.

بۇل ەسكەرتۋ تەستىلەۋ رەجيمىندە جۇرگىزىلدى.

ۋايىمداماۋدى جانە تەك رەسمي اقپارات كوزدەرىنە سەنۋدى سۇرايمىز», — دەلىنگەن مينيسترلىك حابارلاماسىندا.