Jańalyqtar
Astrahan oblysynan Altyn Orda handarynyń qorymy tabyldy
Foto: Zakon.kz
Astrahan oblysyndaǵy Lapas aýylynyń janynda Altyn Orda handarynyń qorymy tabyldy.
Tatarstan ǵalymdary 20 jyldan beri Edildiń tómengi aǵysynda qazba jumystaryn júrgizip keledi.
Zertteý nysany Astrahannan soltústikke qaraı 100 shaqyrym jerde ornalasqan, dep jazady qazaqstan.tv.
Eskertkish-qorym Aq Saraı qalashyǵy dep atalatyn ortaǵasyrlyq qıraǵan ǵımarattardyń qaldyqtarynan turady. Munda shamamen jıyrmaǵa jýyq kesene bar.
Lapastyń tórt iri kesenesinde Berke, О́zbek, Jánibek, Berdibek handar jerlenýi múmkin.
«Sońǵy eki-úsh jyldaǵy arheologııalyq zertteýler álemdik mańyzy bar obektiniń aýqymyn túsinýge múmkindik berdi. Bul keshenniń Altyn Orda handaryna tikeleı baılanysy baryn anyqtadyq. Keshen XIV ǵasyrdyń jıyrmasynshy jyldary О́zbek han tusynda salynǵan. Bul keshen Joshy ulysy handarynyń jerlengen jerleriniń ústine qoıylýy da múmkin. Bul nysandardy saqtap, murajaı qurý da mańyzdy.Lapasta arheologııalyq jumystar bastalǵanǵa deıin bul ne eskertkish-qorym ekenin eshkim anyqtaǵan joq.» Aırat Sıtdıkov, Tatarstan ǵylym akademııasy A.H.Halıkov atyndaǵy arheologııa ınstıtýtynyń dırektory
