اتىراۋ وبلىسىنداعى تەمىرجول اپاتى بولىپ, پويىزدار كەشىگىپ جاتىر

اتىراۋ وبلىسىندا پويىز بەن جۇك كولىگىنىڭ سوقتىعىسۋىنان كەيىن التى جولاۋشىلار پويىزىنىڭ قوزعالىسى كەشىكتىرىلدى, دەپ حابارلايدى qandastar.kz اقپارات پورتالى قتج ءباسپاسوز قىزمەتىنە سىلتەمە جاساپ. قازىرگى ۋاقىتتا وقيعا ورنىندا قالپىنا كەلتىرۋ جۇمىستارى جۇرگىزىلىپ جاتىر.

«جولاۋشىلار تاسىمالى» كومپانياسى تومەندەگى التى جولاۋشىلار پويىزىنىڭ قوزعالىسى ۋاقىتشا توقتاتىلعانىن حابارلادى:

№313 «اتىراۋ – ماڭعىستاۋ» №314 «ماڭعىستاۋ – اتىراۋ»  №42 «الماتى – اتىراۋ»  №41 «اتىراۋ – الماتى»  №123 «ۆولگوگراد – تاشكەنت»  №691 «اتىراۋ – اقتوبە»اتىراۋ قالاسىنىڭ اكىمدىگى جولاۋشىلاردى تاسىمالداۋ ءۇشىن قوسىمشا اۆتوبۋستار ءبولدى. اۆتوبۋستار اتىراۋ ستانتسياسى جاقىن ماڭداعى قاراباتان ستانتسياسىنا دەيىن جانە كەرى باعىتتا جۇرەتىن بولادى.

«ۇلتتىق تاسىمالداۋشى جولاۋشىلارعا تاماقپەن قامتاماسىز ەتۋدى ۇيىمداستىرىپ, جاعداي تۋرالى SMS-حابارلامالار جانە تەمىرجول ۆوكزالدارىندا اقپارات بەرىپ وتىرادى. جولاۋشىلار پويىزدارىنىڭ كەشىگۋى تۋرالى مالىمەتتەردى 1433 تەگىن ءنومىرى ارقىلى بىلۋگە بولادى», — دەلىنگەن حابارلامادا.

قر تەمىرجول كولىگى ارقىلى جولاۋشىلاردى, جۇكتىڭ جانە پوشتالىق جونەلتىلىمدەردى تاسىمالداۋ قاعيدالارىنا سايكەس:

ساپاردان باس تارتقان جولاۋشىلارعا جول ءجۇرۋ بيلەتتىڭ تولىق قۇنى قايتارىلادى. ساپاردى اياقتاماعان جولاۋشىلارعا ءجۇرىپ وتكەن قاشىقتىققا قاراي بيلەت قۇنىنىڭ ءتيىستى بولىگى قايتارىلادى. پويىز كەشىكتىرىلگەن ءار ساعات ءۇشىن 3% وتەماقى تولەنەدى, بىراق جالپى جول ءجۇرۋ قۇنىنان اسپايدى.قازىرگى ۋاقىتتا تەمىرجول اپاتى بولعان جەردە ەكى قالپىنا كەلتىرۋ پويىزى مەن التى ارنايى تەحنيكا جۇمىس ىستەپ جاتىر. اتىراۋ وبلىسى اكىمدىگى جولاۋشىلاردى تاسىمالداۋ ءۇشىن 10 اۆتوبۋس ءبولدى.