جاڭالىقتار
اتىراۋدا باسسەيندەگى حلوردان 14 بالا ۋلانىپ قالدى
13 شىلدەدە اتىراۋداعى باسسەيندەردىڭ بىرىندە شومىلعان ادامداردىڭ دەنساۋلىعى سىر بەردى, ولار حلوردان ۋلانعان بولۋى مۇمكىن, دەپ حابارلايدى Qandastar.kz سايتى Skifnews.kz اقپارات پورتالىنا سىلتەمە جاساپ.
مەديتسينالىق كومەككە 14 ادام جۇگىنگەن.
«اۋرۋحاناعا 3 ادام جاتقىزىلعان, ولاردىڭ جاعدايى تۇراقتى. قالعان تۇرعىندار دارىگەرلەردىڭ باقىلاۋىندا», — دەپ جازىلعان حابارلامادا.
ەپيدەمياعا قارسى ءىس-شارالار جۇرگىزىلىپ, اۋا مەن سۋدان سىناما الىندى. حلور بۋى شەكتى مولشەردەن اسپاعان, زەرتحانالىق تالداۋ جۇمىستارى جالعاسىپ جاتىر.
پوليتسيا قىلمىستىق ءىس قوزعادى, تەرگەۋ ءجۇرىپ جاتىر.
وبلىس اكىمى دەنساۋلىق ساقتاۋ باسقارماسىنا زارداپ شەككەندەردىڭ جاعدايىن باقىلاۋدا ۇستاۋدى مىندەتتەدى. بۇعان قوسا, وڭىردەگى باسسەيندەر مەن اكۆاپاركتەردى تەكسەرۋگە تاپسىرما بەرىلدى.
