اتىراۋدا جول قوزعالىسىن رەتتەپ تۇرعان پوليتسيا قىزمەتكەرىن كولىك قاعىپ كەتتى

فوتو: ۆيدەودان الىنعان

اتىراۋدا جول قوزعالىسىن رەتتەپ تۇرعان پاترۋلدىك پوليتسيا قىزمەتكەرىن كولىك قاعىپ كەتتى. بۇل تۋرالى qandastar.kz Stan.kz اقپارات اگەنتتىگى حابارلايدى.

جول اپاتىنىڭ ۆيدەوسى الەۋمەتتىك جەلىلەردە جاريالاندى. كادرلاردان پولتسيا قىزمەتكەرىنىڭ جول ۇستىندە جاتقانىن كورۋگە بولادى.

اتىراۋ وبلىسىنىڭ پوليتسيا دەپارتامەنتى اقپاراتقا قاتىستى تۇسىنىكتەمە بەردى.

«30 قىركۇيەكتە ساعات 18:40-تا Toyota Corolla كولىگىنىڭ جۇرگىزۋشىسى قىزمەتتىك مىندەتىن اتقارىپ تۇرعان پاترۋلدىك پوليتسەيدى قاعىپ كەتتى. وقيعا سالدارىنان پوليتسيا قىزمەتكەرى ءتۇرلى دەنە جاراقاتتارىن الىپ, وبلىستىق اۋرۋحاناعا جەتكىزىلدى», – دەلىنگەن حابارلامادا.

دەپارتامەنت جول-كولىك وقيعاسى بويىنشا ءتيىستى قۇجاتتار جيناقتالىپ, ساراپتاما قورىتىندىسى بويىنشا ءىس شەشىم قابىلداۋ ءۇشىن سوتقا جىبەرىلەتىنىن اتاپ ءوتتى.

جۇرگىزۋشى كۇن ساۋلەسىنەن جول قوزعالىسىن رەتتەپ تۇرعان پوليتسەيدى بايقاماعانىن ايتىپ, بولعان وقيعاعا وكىنىش ءبىلدىردى.

ەسكە سالساق, بۇعان دەيىن اباي وبلىسىندا ماس جۇرگىزۋشى پوليتسيا قىزمەتكەرىن قاعىپ ولتىرگەنى تۋرالى جازعان ەدىك.