Atyraýdaǵy áskerı mektepte tekseris bastaldy

Foto:AtyrauPress

Atyraýdaǵy «Sarmat» mamandandyrylǵan áskerı mektebinde oqýshylar mekeme qyzmetkerleriniń zorlyq-zombylyq kórsetkenin málimdedi, dep qandastar.kz aqparat portaly azh.kz-ke silteme jasap habarlaıdy.

Oqýshylardyń aıtýynsha, olardy áldeneshe ret uryp-soǵyp, elektroshoker qoldanyp, pyshaqpen qorqytqan. Bul jaǵdaı týraly jábirlenýshilerdiń biriniń anasy Nurgúl Esposynova áleýmettik jelide baıandap berdi. Ol keıingi oqıǵalardyń biri 4 jeltoqsanda bolǵanyn naqtylady. Sol kúnnen beri ulynyń denesinde áli kúnge deıin soqqy izderi qalyp qoıǵan.

«Jaraqattanǵan jerlerdi baıqaǵan soń, munyń qalaı bolǵanyn bilý úshin oqý ornyna keldim, biraq dırektor da, muǵalim de bolmady. Biraz ýaqyttan keıin balamnyń mektepten shyǵarylǵanyn bildim», – deıdi ol.

Onyń aıtýynsha, qazannan bastap balasynyń mektepke barǵysy kelmeı júrgenin baıqaǵan.

«Ata-analarǵa «balalaryńyzǵa mektepte qonýǵa bolady» degen habarlama kelgen edi. Biraq balam qalǵysy kelmeıtinin aıtty. Al onyń mektepten shyǵarylýyna kelsek, ol «nasybaı qoldanǵan» dep habarlady. Keıinirek úshinshi tulǵalardan bilgenimdeı, nasybaı balanyń qaltasynan tabyldy dep otyr. Biraq buǵan kýágerler joq. Men bul istiń jınalysta qaralǵanyn bilmedim, onyń ústine ata-analardyń qatysýynsyz jınalysta ony mektepten shyǵarý týraly sheshim qabyldanǵan. О́ziniń kinásiz ekenin dáleldeý úshin balam analızder tapsyrdy. Eshqandaı zat tabylmaǵany týraly qorytyndy qolymyzda. Bul týraly synyp jetekshisine de aıttym. Biraq balamdy báribir oqýdan shyǵaryp jiberdi. «Nege balany oqýdan shyǵarasyzdar?» dep suraǵanda, jaýap bermedi. Dırektordyń issaparda ekenin aıtty. Qazir balam úıde oqýsyz otyr, eki ret mektepten qujattardy alyp ketińiz dep jazypty. Biraq men qujattardy alýdan bas tarttym, sebebi balam kináli emes. Polıeıler men bilim berý basqarmasyna aryz jazdym, biraq esh kómek bolmady. Sosyn amalsyzdan «Analarga Komek Qoldaw» QB jetekshisi Sandýǵash Kýkenovaǵa júgindim. Balalarym jaqsy oqıdy, tártipteri jaqsy. Eger balam shynymen tártipsiz bolsa, mektepke baryp júrmes edim», – dedi ol.

Sondaı-aq, anasy mektepke oqıtyn balalarǵa elektroshoker qoldanylatyn dálelderdi usyndy.

«Balama elektroshoker qoldanǵan, keýde tusynan urǵan, pyshaq tıgizgen, ıne shanshyǵan. Balamnyń denesinde pyshaqtyń izi áli kórinip tur», – deıdi Nurgúl.

Al narazy bolǵan ózge ata-analar mektepti jan-jaqty tekserip, kinálilerdi jazalaýdy talap etti.

Basylym túsinikteme alý úshin oblystyq bilim basqarmasynyń baspasóz qyzmetine júgindi.

Olardyń málimetinshe, Atyraý oblysyndaǵy «Sarmat» mamandandyrylǵan mektep-lıeı-ınternatynda mekeme men ata-analar arasynda kelisim jasalǵan.

Atyraýdaǵy «Sarmat» mamandandyrylǵan mektep-lıeı ınternatynda 236 oqýshy bilim alady. 39 muǵalim, 19 tárbıeshi qyzmet etedi. Ata-analarmen arada ózara qol qoıylǵan kelisimi bar.

«Bul oqýshy mektepte birneshe ret tártipsizdik jasaǵan. Ata-anasyna eskertilgen. Bala mektepishilik esepke alynǵan. 2024 jylǵy qyrkúıekte bala tártipsizdik jasap, «eskertýmen» mektepte qaldyrylǵan. Jeltoqsanda tártipsizdik qaıtalanǵan soń ata-anasy shaqyrylady. Olar kelmeıdi. Bala 9 jeltoqsan kúni pedagogıkalyq keńestiń sheshimimen mektepten shyǵarylady», – dep habarlady oblystyq bilim basqarmasynyń baspasóz qyzmeti.

Qazir ata-ananyń aryzy boıynsha tergeý amaldary júrip jatyr. Bilim berý basqarmasymen oqý-tárbıe proesiniń uıymdastyrylýy boıynsha zerdeleý jumystary ótip jatyp. Oqýshyǵa psıhologııalyq kómek kórsetiledi.