اتىشۋلى تالعار اۋدانىنىڭ پوليتسيا باستىعى اۋىستى

اتىشۋلى تالعاردا 16 جاسار شەرزاتتىڭ ولىمىنەن سوڭ شەنەۋنىكتەر بىرىنەن كەيىن ءبىرى اۋىسقان بولاتىن. وسى جولى تالعار اۋدانى پوليتسيا باستىعى اۋىستى. بۇل لاۋازىمدى پودپولكوۆنيك ايدار وماروۆ يەلەندى, دەپ حابارلايدى  qandastar.kz  Orda.kz-كە سىلتەمە جاساپ.

تالعار اۋدانى پوليتسيا باسقارماسى باستىعى مىندەتىن اتقارۋشىنىڭ تاعايىندالعانى تۋرالى باسقارمانىڭ Instagram پاراقشاسىندا جاريالاندى.

بۇعان دەيىن وماروۆ الماتى وبلىسى بالقاش اۋدانى پوليتسيا ءبولىمىن باسقارعان.

ەسكە سالا كەتسەك, تالعاردا 4 قازان كۇنى ءبىر توپ ادام كەلىپ دۇكەن يەسى قارجاۋباي نۇرىموۆ, ۇلى شەرزات پولات جانە اعاسى نۇرقاناتپەن جانجالداسىپ, ارتى كىسى ولىمىنە ۇلاستى. 16 جاسار شەرزات پولات قازا بولدى.

بۇل وقيعادان سوڭ اكەسى ءادىل سوت تالاپ ەتىپ, جاقىندارىمەن جانە ءبىر توپ اداممەن تالعاردا كوشەگە شىعىپ, جولدى جاۋىپ تاستاعان بولاتىن.