جاڭالىقتار
اۋداندا جۇمىس ىستەگىسى كەلەتىن دارىگەرگە 5 ملن تەڭگە بەرىلەدى
اتىراۋ وبلىسىنىڭ جىلىوي اۋدانىندا 75 ورىندىق جاڭا اۋرۋحانانىڭ قۇرىلىسى اياقتالدى. قازىر زاماناۋي قوندىرعىلاردى ورناتۋ, ىسكە قوسۋ جۇمىستارى ءجۇرىپ جاتىر.
جاڭا مەديتسينالىق نىسان بۇرىن-سوڭدى بولماعان ماگنيتتى-رەزونانستى توموگراف, ۆيدەوەندوسكوپ سەكىلدى ءتۇرلى مەديتسينالىق قۇرىلعىمەن, حيرۋرگياعا ارنالعان ۋرولوگيالىق كەشەن جانە رەنتگەن اپپاراتىمەن جابدىقتالعان. بۇل تۇرعىنداردىڭ اۋدان ورتالىعىنان شىقپاي-اق مەديتسينالىق كومەك الۋىنا مول مۇمكىندىك بەرەدى. دەگەنمەن قازىر جىلىوي اۋدانىندا مامان تاپشى. دەنساۋلىق ساقتاۋ باسقارماسى جاڭا, زاماناۋي قۇرىلعىلاردىڭ ءتىلىن بىلەتىن دارىگەرلەردى ىزدەپ جاتىر. ولار ءۇشىن بەرىلەتىن ۇستەمەاقى كولەمى دە بيىل وسكەن. كلارا تاعانباەۆا, جىلىوي اۋداندىق ورتالىق اۋرۋحانا ديرەكتورىنىڭ ورىنباسارى: – مرت اپپاراتىن وقيتىن جانە ونى ءتۇسىرىپ, دياگنوستيكا جاسايتىن دارىگەرلەردى وزىمىزگە شاقىرامىز.
كوپتەگەن مامان جەتىسپەۋشىلىگىنە بايلانىستى جاڭا جاس مامانداردى وزىمىزگە جۇمىسقا تارتىپ جاتىرمىز. وكۋشەر-گينەكولوگ, نەوناتولوگ, ينفەكتسيونيست دارىگەر جەتىسپەيدى قازىرگى تاڭدا. جاس ماماداردى وزىمىزگە تارتۋ ماقساتىندا ۇستەمە اقى 5 ملن تەڭگە دەڭگەيىندە تولەۋگە بيىل شەشىم شىقتى.
