Aۋىل شارۋاشىلىعىندا اگرودروندار قولدانىلماق

فوتو: primeminister.kz

ۆيتسە-پرەمەر سەرىك جۇمانعاريننىڭ توراعالىعىمەن وتكەن ۇكىمەت وتىرىسىندا اۋىل شارۋاشىلىعىندا اگرودرونداردى قولدانۋ تاجىريبەسىن قولدانۋ مەن كەڭەيتۋدىڭ تيىمدىلىگى قارالدى, دەپ جازدى qandastar.kz

الەمنىڭ 100-دەن استام ەلىندە اۋىلشارۋاشىلىق دروندارىن قولدانۋدىڭ حالىقارالىق تاجىريبەسى جەرۇستى بۇرىككىش-تەحنيكانىڭ ورنىنا ۇشقىشسىز ۇشاتىن اپپاراتتاردى پايدالانۋدىڭ ەلەۋلى ارتىقشىلىعىن كورسەتەدى. بۇگىندە دۇنيە جۇزىندە اگرودرونداردىڭ كومەگىمەن 500 ملن گەكتاردان استام ەگىستىك وڭدەلدى. سۋدى ۇنەمدەپ جۇمساۋ ەسەبىنەن الەم بويىنشا شامامەن 210 ملن توننا سۋدى ۇنەمدەۋگە, سو2 ەميسسياسىن 25 ملن تونناعا قىسقارتۋعا مۇمكىندىك تۋدى. اۋىلشارۋاشىلىق دروندارى جەتۋى قيىن جەرلەردى وڭدەپ, زەرتتەۋگە مۇمكىندىك بەرەدى. ولار كەز-كەلگەن اۋا-رايىندا, تاۋلىك بويىنا, جاڭبىر كەزىندە جانە تۇندە دە جۇمىس ىستەيدى.

 «مىسالى, وزدىگىنەن جۇرەتىن بۇرىككىش گەكتارىنا 150 ليتر سۋ جۇمسايدى, 5 مىڭ گەكتارعا شامامەن 750 مىڭ ليتر سۋ قاجەت. ال, درونعا ءدال وسىنداي اۋماقتى وڭدەۋ ءۇشىن 50 مىڭ ليتر قاجەت, ول 15 ەسە از. سونىمەن قاتار جۇمىس كەزىندە وزدىگىنەن جۇرەتىن بۇرىككىش سوراپ قۇرىلعىنى باسىپ كەتەدى, بۇل فەرمەرگە ءونىمنىڭ شامامەن 6%-ىن جوعالتۋىنا اكەلەدى. ۇۇا داقىلدارعا مۇنداي زيان كەلتىرمەيدى», — دەدى كەڭەستە اگرودرونداردى پايدالاناتىن كومپانيانىڭ وكىلى سانجار نۇرعازينوۆ.

قازاقستاندا وسىمدىكتەردىڭ زيانكەستەرى مەن قاۋىپتى اۋرۋلارىن زەرتتەۋ جانە ەمدەۋ ءۇشىن ۇشقىشسىز ۇشۋ اپپاراتتارىن پايدالانۋدى كەڭەيتۋ ماقساتىندا اۋىل شارۋاشىلىعى مينيسترلىگى قىتايلىق Eavision كومپانياسىمەن 80 اگرودرون اكەلۋگە ارنالعان مەموراندۋمعا قول قويدى. بۇل ۇۇا اۋىل شارۋاشىلىعى تاۋارىن وندىرۋشىلەر اراسىندا ساتىلاتىن بولادى. بۇدان باسقا, «Sunkar eavision International LLP» جشس بىرلەسكەن قازاقستان-قىتاي كاسىپورنى قۇرىلدى, ول «الاتاۋ» اقپاراتتىق تەحنولوگيالار پاركى اەا اۋماعىندا وتاندىق درونداردى جيناۋدى جۇزەگە اسىرادى.

«وڭىرلەردىڭ اكك-مەن بىرلەسىپ تۇركىستان, تاراز, اباي جانە جەتىسۋ وبلىستارىندا اگرودرونداردىڭ دەمونستراتسيالىق جانە سەرۆيستىك ورتالىقتارىن اشۋ ماسەلەسى پىسىقتالدى. ءۇش وقۋ ورنىنىڭ بازاسىندا: تالعار پوليتەحنيكالىق كوللەدجى, سەمەي قالاسىنداعى IT-تەحنولوگيالار كوللەدجى جانە تۇركىستان وبلىسى قاپلانبەك اۋىلىنداعى اۋىل شارۋاشىلىعى كوللەدجىylt قۇراستىرۋشىلار مەن ۇشقىشتاردى وقىتۋ ماسەلەسى شەشىلدى», — دەپ اتاپ ءوتتى اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى.

سونىمەن قاتار زيانكەستەردىڭ قونىستانۋ ورىندارىن زەرتتەۋ جانە ەمدەۋ ءۇشىن قاجەتتى باعدارلامالىق قامتاماسىز ەتۋدى قۇرۋ بويىنشا جۇمىستار جۇرگىزىلۋدە. «عارىش ساپارى» اق – «فيتوكز» گاج اقپاراتتىق جۇيەسىندە جۇرگىزىلگەن وڭدەۋلەرمەن زەرتتەۋ ءىس-شارالارىن بايلانىستىرۋ كوزدەلگەن.

سەرىك جۇمانعارين كەزدەسۋدە تسيفرلىق دامۋ جانە اەروعارىش ونەركاسىبى مينيسترلىگىنىڭ الدىنا اگرودرونداردى باسقارۋ ءۇشىن ءوزىنىڭ باعدارلامالىق جاساقتاماسىن ازىرلەۋ مۇمكىندىگىن زەرتتەۋ تاپسىرماسىن قويدى.

كەڭەس قورىتىندىسى بويىنشا سەرىك جۇمانعارين اشم-گە 2025 جىلدىڭ اقپان ايىنىڭ سوڭىنا دەيىن قاجەتتى باعدارلامالىق قامتاماسىز ەتۋدى ىرىكتەۋدى نەمەسە ازىرلەۋدى, سەرۆيستىك ورتالىقتار قۇرۋدى, نەگىزىنەن اۋىل جاستارىنان ۇۇا-مەن جۇمىس ىستەيتىن مامانداردى دايارلاۋدى, قازاگروقارجىعا – قولدا بار قاراجات شەڭبەرىندە فەرمەرلەردىڭ ساتىپ الۋ ءۇشىن قولداۋ شارالارىن پىسىقتاۋدى, اۋىل شارۋاشىلىعىندا اگرودرونداردى دامىتۋ جانە ەنگىزۋ جونىندەگى جول كارتاسىن ازىرلەۋدى تاپسىردى.