جاڭالىقتار
اۆتورلىق قوعامدار ءشامشى اندەرى ءۇشىن ايىنا 6 مىڭ تەڭگە عانا تولەيدى
فوتو: اشىق دەرەككوز
كومپوزيتوردىڭ اندەرىن وسىلايشا ارزان باعالاپ وتىرعان اۆتورلىق قوعامداردىڭ جۇمىسى تۋرالى ءماجىلىس جانىنداعى كوميتەت وتىرىسىندا دەپۋتات نارتاي ارالباي ۇلى ايتتى, دەپ جازادى qandastar.kz atamekenbusiness_qaz-عا سىلتەمە جاساپ.
«ءشامشى قالداياقوۆتاي ۇلى تۇلعامىزدىڭ شىعارمالارىن تۇتىنعانى ءۇشىن ۇرپاعىنا اۆتورلىق قوعام ءبىر ماۋسىمدا, ياعني 3 ايدا ءبىر رەت 18 مىڭ تەڭگە عانا تولەگەن. ءشامشىنىڭ ءانى ورىندالمايتىن كەش بار ما, قازاقتا?! ءبىزدىڭ اۆتورلاردىڭ قۇقى قورعالمايتىنىن وسىدان-اق كورە بەرسەڭىزدەر بولادى»,- دەدى ول.
دەپۋتاتتىڭ سوزىنشە, ەلدە 15-16 اۆتورلىق قوعام بار. ولار اۆتورلاردىڭ شىعارماشىلىعىن تۇتىنعانى ءۇشىن تۇسەتىن اقشانىڭ 70%-ىن وزدەرى ۇستاپ قالىپ, تەك 30%-ىن اۆتورعا نەمەسە ونىڭ ۇرپاعىنا تولەيدى ەكەن.
