اياگوزدە توتەنشە جاعداي ورىن الدى

فوتو: Pixabay

اباي وبلىسىنىڭ ءورت سوندىرۋشىلەر جانىپ جاتقان ترانسفورماتوردى ءسوندىردى, دەپ حابارلايدى qandastar.kz

بۇل تۋرالى توتەنشە جاعدايلار مينيسترلىگى مالىمدەدى.

بەلگىلى بولعانداي, اياگوز قالاسىنداعى قابانباي كوشەسى بويىنداعى جەكە تۇرعان ترانسفورماتوردان ءورت شىققان.

«اۋا-مەحانيكالىق كوبىكتى قولدانعان ءورت سوندىرۋشىلەردىڭ كاسىبي ارەكەتتەرىنىڭ ارقاسىندا ءورتتىڭ تارالۋىنا جول بەرىلمەي تولىعىمەن ءسوندىرىلدى», – دەلىنگەن ۆەدومستۆو تاراتقان اقپاراتتا.

ورتتەن زارداپ شەككەندەر جوق.

قالا بويىنشا ءبىرىنشى كەزەكتە ورتالىقتاندىرىلعان 6 جىلۋ قازاندىعىن ىسكە قوسۋ جۇمىستارى قولعا الىنىپ, قازىرگى تاڭدا بەسەۋى ىسكە قوسىلدى. بىرەۋىن قوسۋ ىسكە اسىرىلىپ جاتىر.

«تۇرعىندارعا ەلەكتر قۋاتىن بەرۋ جۇمىستارىن «بىرىككەن ەنەرگوسەرۆيستىك كومپانياسى» اق قىزمەتكەرلەرى اقاۋلىقتى جويۋ بارىسىندا اتقارىپ جاتىر. «بەسك» اق ءۇرجار, جارما اۋداندارى مەن وسكەمەن جانە سەمەي قالالارىنان كەلگەن 7, سونداي-اق اياگوزدەن 3 بريگادا جوندەۋ جۇمىستارىن جۇرگىزىپ جاتىر. قالپىنا كەلتىرۋ جۇمىستارىنا بارلىعى 30-عا جۋىق مامان جۇمىلدىرىلدى», – دەلىنگەن وبلىس اكىمدىگىنىڭ حابارلاماسىندا.