الەم جاڭالىقتارى
AZAL ۇشاعى اپاتىنان قازا تاپقانداردىڭ نەسيەسى وتەلدى
فوتو: اشىق دەرەككوز
باكۋ-گروزنىي رەيسىن ورىنداعان ءازىربايجان اۋە جولدارىنىڭ ۇشاعى اقتاۋ قالاسىنىڭ ماڭىندا اپاتقا ۇشىراۋى سالدارىنان قازا تاپقان ءازىربايجان ازاماتتارىنىڭ نەسيەلىك مىندەتتەمەلەرى تولىعىمەن وتەلدى. بۇل تۋرالى ءازىربايجان بانكتەر قاۋىمداستىعى مەن ءازىربايجان ميكروقارجى قاۋىمداستىعىنىڭ بىرلەسكەن مالىمدەمەسىندە ايتىلعان, دەپ حابارلايدى qandastar.kz Haqqin باسىلىمىنا سىلتەمە جاساپ.
«2024 جىلعى 25 جەلتوقساندا باكۋ-گروزنىي رەيسىن ورىنداعان ءازىربايجان اۋە جولدارىنىڭ ۇشاعى اقتاۋ قالاسىنىڭ ماڭىندا اپاتقا ۇشىراپ, ەكيپاج مەن جولاۋشىلاردىڭ قازا بولعانى بۇكىل ءازىربايجان حالقىن دا, بانك قاۋىمداستىعىن دا قاتتى كۇيزەلتتى.
وسى قايعىلى وقيعاعا بايلانىستى جانە ءازىربايجان ورتالىق بانكىنىڭ ۇسىنىسى بويىنشا, سونداي-اق ءازىربايجان بانكتەر قاۋىمداستىعىنىڭ (ابق) جانە ءازىربايجان ميكروقارجى قاۋىمداستىعىنىڭ (امق) باستاماسى بويىنشا قازا بولعان ءازىربايجان ازاماتتارىنىڭ نەسيەلىك مىندەتتەمەلەرى بانكتەر مەن بانكتىك ەمەس نەسيەلىك ۇيىمداردا ءتيىستى ۇيىمداردىڭ جەكە قاراجاتى ەسەبىنەن تولىق ەسەپتەن شىعارىلدى.
ماتەريالدى كوشىرىپ باسقاندا جانە باسقاشا پايدالانۋ كەزىندە azh.kz سايتىنا گيپەرسىلتەمە مىندەتتى تۇردە قويىلۋى ءتيىس. سونداي-اق ۆك, Instagram پابليكتەرىندە جاريالاۋعا تىيىم سالىنادى.
ازەربايجان حالقىمەن جانە ەل باسشىلىعىمەن بارلىق قيىن كەزەڭدەردە بىرگە بولعان ءازىربايجان رەسپۋبليكاسىندا جۇمىس ىستەيتىن بانكتەر مەن بانكتىك ەمەس نەسيە ۇيىمدارىنىڭ اتىنان ابق جانە امق قازا بولعانداردىڭ وتباسى مۇشەلەرىنە قايعىرا كوڭىل ايتادى. ال زارداپ شەككەندەرگە تەزىرەك ساۋىعىپ كەتۋىن تىلەيمىز», – دەلىنگەن بىرلەسكەن حابارلامادا.
