AZAL ushaǵy apatynan qaza tapqandardyń nesıesi óteldi

Foto: ashyq derekkóz

Baký-Groznyı reısin oryndaǵan Ázirbaıjan áýe joldarynyń ushaǵy Aqtaý qalasynyń mańynda apatqa ushyraýy saldarynan qaza tapqan Ázirbaıjan azamattarynyń nesıelik mindettemeleri tolyǵymen óteldi. Bul týraly Ázirbaıjan bankter qaýymdastyǵy men Ázirbaıjan mıkroqarjy qaýymdastyǵynyń birlesken málimdemesinde aıtylǵan, dep habarlaıdy qandastar.kz Haqqin basylymyna silteme jasap.

«2024 jylǵy 25 jeltoqsanda Baký-Groznyı reısin oryndaǵan Ázirbaıjan áýe joldarynyń ushaǵy Aqtaý qalasynyń mańynda apatqa ushyrap, ekıpaj men jolaýshylardyń qaza bolǵany búkil Ázirbaıjan halqyn da, bank qaýymdastyǵyn da qatty kúızeltti.

Osy qaıǵyly oqıǵaǵa baılanysty jáne Ázirbaıjan Ortalyq bankiniń usynysy boıynsha, sondaı-aq Ázirbaıjan bankter qaýymdastyǵynyń (ÁBQ) jáne Ázirbaıjan mıkroqarjy qaýymdastyǵynyń (ÁMQ) bastamasy boıynsha qaza bolǵan Ázirbaıjan azamattarynyń nesıelik mindettemeleri bankter men banktik emes nesıelik uıymdarda tıisti uıymdardyń jeke qarajaty esebinen tolyq esepten shyǵaryldy.

Materıaldy kóshirip basqanda jáne basqasha paıdalaný kezinde azh.kz saıtyna gıpersilteme mindetti túrde qoıylýy tıis. Sondaı-aq VK, Instagram pablıkterinde jarııalaýǵa tyıym salynady.

Ázerbaıjan halqymen jáne el basshylyǵymen barlyq qıyn kezeńderde birge bolǵan Ázirbaıjan Respýblıkasynda jumys isteıtin bankter men banktik emes nesıe uıymdarynyń atynan ÁBQ jáne ÁMQ qaza bolǵandardyń otbasy múshelerine qaıǵyra kóńil aıtady. Al zardap shekkenderge tezirek saýyǵyp ketýin tileımiz», – delingen birlesken habarlamada.