جاڭالىقتار
«ازاپتاۋدى مۇلدە الىپ تاستاۋ كەرەك»: بيشىمباەۆ پەن بايجانوۆتىڭ اپپەلياتسيالىق سوتى بولىپ جاتىر
فوتو: سكرينشوت
بۇگىن استانادا اتىشۋلى قىلمىستىق ءىستىڭ فيگۋرانتتارى قۋاندىق بيشىمباەۆ پەن ونىڭ ءىنىسى باقىتجان بايجانوۆتىڭ اپپەلياتسيالىق سوتى باستالدى, دەپ حابارلايدى Azattyq Rýhy.
بيشىمباەۆتىڭ ادۆوكاتى ەرلان عازىمجانوۆ «سوت ۇكىمدى زاڭسىز شىعاردى» دەيدى.
ول بيشىمباەۆقا تاعىلعان «اسا قاتىگەلدىكپەن ادام ءولتىرۋ» قك 99-بابىن «ابايسىزدا ولىمگە اكەپ سوقتىرعان دەنساۋلىققا اۋىر زيان كەلتىرۋ» قك 106-بابىنا اۋىستىرىپ, جازانى جەڭىلدەتۋدى سۇرادى. ال ازاپتاۋ بويىنشا ايىپتى مۇلدە الىپ تاستاپ, ونى جاڭا قۇراممەن جاڭادان قاراۋ كەرەك دەيدى.
باقىتجان بايجانوۆ سالتانات نۇكەنوۆانىڭ ولىمىنە ەش قاتىسى جوعىن دالەلدەۋگە تىرىسۋدا.
ەسكە سالساق, قۋاندىق بيشىمباەۆ مارقۇم ايەلى سالتانات نۇكەنوۆانى اسا قاتىگەزدىكپەن, قيناپ ولتىرگەنى ءۇشىن 13 مامىردا 24 جىلعا باس بوستاندىعىنان ايىرىلعان, باقىتجان بايجانوۆ 4 جىلعا سوتتالعان بولاتىن.
