Jańalyqtar
Ázerbaıjan Reseıge qarsy Aqtaýdaǵy ushaq apatyna baılanysty sotqa shaǵym túsirmek
Ázerbaıjan jeti aı ótse de, reseılik resmı tulǵalardan eshqandaı jaýap ala almaǵan, dep jazdy qandastar.kz
Ázerbaıjan Reseıge qarsy Aqtaýdaǵy ushaq apatyna baılanysty sotqa shaǵym túsirmek. Bul týraly el prezıdenti Ilham Álıev málimdedi, dep habarlaıdy Skifnews.kz aqparat portaly.
Onyń aıtýynsha, Ázerbaıjan jeti aı ótse de, Aqtaý mańynda apatqa ushyraǵan Embraer 190 jolaýshylar ushaǵyna qatysty reseılik resmı tulǵalardan eshqandaı jaýap ala almaǵan.
«Bizdiń ótinishterimiz ben talaptarymyz – múldem zańdy: bul apatty moıyndaý, ushaǵymyzdy atyp túsirgenderdi jazalaý, qaza tapqandardyń otbasylaryna, zardap shekkenderge jáne AZAL áýe kompanııasyna – ushaq úshin ótemaqy tóleý», – dep atap ótti Álıev.
Sonymen qatar, Ázerbaıjan prezıdenti Reseı tarapyna halyqaralyq sottarǵa joldanatyn dose daıyndalyp jatqany týraly málimet jetkenin aıtty.
Baký–Groznyı baǵyty boıynsha ushqan Azerbaijan Airlines (AZAL) áýe kompanııasynyń Embraer 190 ushaǵy 2024 jylǵy 25 jeltoqsan kúni tańerteń Aqtaý mańynda apatqa ushyrady. Áýe kompanııasynyń málimetinshe, bortta 62 jolaýshy men bes ekıpaj múshesi bolǵan. 29 adam aman qaldy.
