الەم جاڭالىقتارىءبىلىمجاڭالىقتار
«بايقوڭىردى دامىتۋعا ۇلەس قوسقىم كەلەدى»: 15 جاستاعى قازاقستاندىق وقۋشى NASA-دا تاعىلىمدامادان ءوتتى
فوتو: جەكە قورىنان
15 جاستاعى الماتىلىق سىمبات بارساعازى اقش-تىڭ عارىشتى زەرتتەيتىن NASA ۇيىمىندا تاجىريبەدەن ءوتتى. 10-سىنىپ وقۋشىسى ەكى اپتا ىشىندە عارىشكەرلەردىڭ مارستا ءومىر ءسۇرۋىن قاداعالاۋ بويىنشا جۇمىس ىستەگەن, دەپ حابارلايدى qandastar.kz KAZ.NUR.KZ-كە سىلتەمە جاساپ.
سىمبات بارساعازى NASA-داعى تاعىلىمداما كەزىندە سول جەردەگى تاجىريبەلى ينجەنەرلەردەن ءتالىم العان. ءارى مارسقا ارنالعان جوبالارمەن جۇمىس ىستەپ ۇيرەنگەن. ول عارىشكەرلەردىڭ وتتەگىمەن تىنىستاپ, رادياتسيادان قورعانۋىنا جاۋاپتى بولىپتى.
«وقۋشىلاردىڭ باستى مىندەتى – مارسقا شىنايى پيلوتتىق ميسسيا جوبالاۋ. ءبىزدى 5 توپقا ءبولدى, مەن جاسىل توپتىڭ مۇشەسى بولدىم. ءبىز استروناۆتاردىڭ مارستا ءومىر ءسۇرۋىن قامتاماسىز ەتۋگە جاۋاپتى بولدىق. ماعان ينجەنەر سيندا چۋلەننىڭ لەكتسياسى قاتتى اسەر ەتتى. ول سكافاندرلەر بويىنشا ساراپشى. لەكتسيا بارىسىندا ءبىز سكافاندردىڭ پەرچاتكاسىن سىناپ كوردىك. لەكتسيا وتە قىزىقتى جانە ينتەراكتيۆتى بولدى», – دەيدى ول.
