BAQ qyzmetkerleri baspanaly boldy

Foto: daraqory.kz

Buqaralyq aqparat quraldary qyzmetkerleri kúnine oraı «Dara» prezıdenttik bastamalar qory Qazaqstannyń jetekshi medıauıymdarynyń qyzmetkerlerine prezıdent Qasym-Jomart Toqaevtyń atynan páterge sertıfıkattar tabystady, dep jazdy qandastar.kz

«Prezıdenttiń tapsyrmasymen bul shara úshinshi jyl qatarynan ótkizilip keledi. Bul – Memleket basshysynyń otandyq BAQ qyzmetkerlerin únemi qoldaıtynyn kórsetedi», – dedi Rýslan Jeldibaı.

Bıyl tek jýrnalıster ǵana emes, sonymen qatar rejısserler, operatorlar, korrektorlar, dýblıaj redaktorlary, dybys rejısserleri, qoıýshylar jáne sapaly kontent ázirleýmen aınalysatyn ózge de mamandarǵa da baspana buıyrdy.

«Áleýmettik osal toptarǵa erekshe kóńil bólindi: baspana alýshylar tiziminde kópbalaly otbasylar men múgedek balalary bar otbasylar bar. Áriptesterimniń jetistigine shyn júrekten qýanyshtymyn, barshańyzdy shyn júrekten quttyqtaımyn», – dedi ol.

Turǵyn úı sertıfıkattaryn «Qazaqstan» teleradıokorporaııasy, «Habar» agenttigi, Qazcontent, «Qazaq gazetteri», «EVRAZIIa+ORT», Atameken Business medıaholdıngi, Tengrinews jáne basqa da BAQ ókilderi aldy.

“Memleket basshysynyń bastamalarynyń biri – BAQ ókilderin baspanamen qamtamasyz etý – «Dara» qorynyń turaqty qoldaýymen sátti júzege asyrylýda. «Qoǵamǵa oń áser etip, halyqtyń ál-aýqatyn jaqsartatyn jobalardy júzege asyrý – biz úshin basty qundylyqtardyń biri bolyp qala beredi”, – dep atap ótti «Dara» qorynyń basshysy Muhamedqalı Taýan.