Baqtııar Artaev Qyzylorda oblysynda qyzmetke taǵaıyndaldy

Qyzylorda oblysynyń ákimi Nurlybek Nálibaevtyń tóraǵalyǵymen áleýmettik-ekonomıkalyq kórsetkishterge, kadrlyq ózgeristerge oraı aktıv otyrysy ótti. Jıynda aımaq basshysy Qyzylorda oblysynyń dene shynyqtyrý, sport jáne týrızm basqarmasynyń jańa basshysy Artaev Baqtııar Ǵarıfollaulyn tanystyrdy, dep jazdy qandastar.kz

«Búgingi májilisimizdi bastamas buryn kadrlyq ózgeristerge toqtalýǵa ruqsat etińizder. Memleket basshysy otandyq sport salasyn keshendi reformalaý arqyly buqaralyq, balalar men jasóspirimder sportyn damytýdy tapsyrdy.

Ol úshin bizge óz isin jetik biletin kásibı mamandar, myqty basshylar, úzdik menedjerler kerek. Osy oraıda, Týrızm jáne sport mınıstrliginiń, Memlekettik qyzmet isteri agenttiginiń kelisimimen Qyzylorda oblysynyń dene shynyqtyrý, sport jáne týrızm basqarmasynyń basshysy laýazymyna Artaev Baqtııar Ǵarıfollauly taǵaıyndaldy.

Baqtııar Ǵarıfollauly – barlyǵyńyzǵa jaqsy tanys, óz isiniń bilikti mamany, myqty menedjer. Sport salasynyń jandanýyna orasan zor úles qosqan azamat. 2004 jyly Afınyda ótken Olımpıada oıyndarynda el qorjynyna altyn salǵan chempıonymyz, Vel Barker Kýbogynyń ıegeri, halyqaralyq sport sheberi, Qazaqstannyń eńbek sińirgen sport sheberi, bokstan Qazaqstan Respýblıkasynyń 7 dúrkin chempıony.

Baqtııar Ǵarıfollaulynyń osy kezge deıin alǵan bilimi men jınaqtaǵan mol tájirıbesin eskerip, Syr óńirindegi sport jáne týrızm salasyn burynǵydan da qarqyndy damytady dep senim bildiremiz», – dedi Nurlybek Nálibaev.

Baqtııar Ǵarıfollauly Artaev 1983 jyly Taraz qalasynda dúnıege kelgen. Muhammed Haıdar Dýlatı atyndaǵy Taraz memlekettik ýnıversıtetin «Quqyqtaný», «Menedjment», Qazaq sport jáne týrızm akademııasyn «Dene shynyqtyrý jáne sport», QazTutynýodaǵy Qaraǵandy ekonomıkalyq ýnıversıtetin «Memlekettik jáne jergilikti basqarý» mamandyqtary boıynsha bitirgen. «Quqyqtaný», «Dene shynyqtyrý jáne sport» magıstri.

Eńbek jolyn 2004 jyly «Taraz gaz sharýashylyǵy basqarmasy» jaýapkershiligi shekteýli seriktestiginiń menedjeri bolyp bastaǵan. 2009-2013 jyldary Jambyl oblysy Aıshabıbi aýyldyq okrýginiń ákimi, Jambyl oblysynyń dene shynyqtyrý, sport jáne týrızm basqarmasynyń basshysy, Jambyl oblysy ákimi apparaty basshysynyń orynbasary.

2013-2021 jyldary «Astana» Prezıdenttik kásipqoı sport klýby» korporotıvtik qorynynyń prezıdenti, «Tarlan batyrlary» JShS dırektory, «Astana Arlans» JShS bas menedjeri. 2021-2022 jyldary «Qazaqstan boks federaııasy» qaýymdastyǵynyń ulttyq komandalar úılestirýshisi, vıe-prezıdenti, Sport jáne dene shynyqtyrý isteri komıteti sportty damytý dırekııasynyń bokstan memlekettik jattyqtyrýshysy qyzmetterin atqarǵan.

Elimizde sport salasynyń damýyna qosqan eleýli úlesi úshin I dárejeli «Barys» ordenimen nagradtalǵan.

Baqtııar Ǵarıfollauly buǵan deıinde Jambyl oblysynyń dene shynyqtyrý, sport jáne týrızm basqarmasyn basqaryp, sport salasynyń damýyna súbeli úles qosqan.

Oblys ákimi jańa basshyǵa óńirdegi buqaralyq sportpen aınalysýshylar úlesin arttyrýdy, komandalardy daıarlaýdy jáne olardyń respýblıkalyq, halyqaralyq sporttyq jarystarda óner kórsetýin qamtamasyz etýdi tapsyrdy. Bilim berý uıymdarynyń sport ǵımarattarynda sabaqtan tys, keshki ýaqytta sport sekııalary jumysyn úılestirýdi jáne sporttyq is-sharalar ótkizýdi, «Damu bala» baǵdarlamasy aıasynda jan basyna shaqqanda qarjylandyrý máselesin júıelendirýdi, basqa da mindetterdi aıqyndap berdi.