Jańalyqtar
Baqylaý kúsheıtiledi: Qazaqstannyń bas sanıtarııa dárigeri maımyl sheshegine baılanysty jańa qaýlyǵa qol qoıdy
foto: NUR.KZ/Petr Karandashov
Qazaqstannyń bas memlekettik sanıtarııa dárigeriniń mindetin atqarýshy Nurqan Sádýaqasov álemde maımyl shesheginiń órshýine baılanysty jańa qaýlyǵa qol qoıdy. Bul týraly KAZ.NUR.KZ habarlaıdy.
Qaýly Qazaqstanǵa maımyl shesheginiń kelýi men taralýynyń aldyn alý boıynsha sanıtarlyq-profılaktıkalyq is-sharalar júrgizý úshin qabyldanyp otyr. Jergilikti atqarýshy organdarǵa, memlekettik densaýlyq saqtaý organdaryna maımyl sheshegi aýrýyna kúdikti adamdardy anyqtaý, epıdemıologııalyq anamnez jınaý, baılanysta bolǵan adamdardy oqshaýlaý, emdeý, medıınalyq baqylaý boıynsha menshik nysanyna qaramastan densaýlyq saqtaý uıymdarynyń medıına qyzmetkerleriniń saqtyǵyn arttyrý boıynsha oqytý júrgizýdi qamtamasyz etý tapsyryldy. Buǵan qosa daıyndyq deńgeıin kóterý úshin vedomstvoaralyq oqý-jattyǵýlar ótkizý josparlanǵan.
Sondaı-aq medıınalyq uıymdar maımyl sheshegimen aýyratyn naýqas (kúdikti adamdar) ákelingen jaǵdaıda ınfekııalyq staıonarlardyń daıyndyǵyn qamtamasyz etýi kerek. UQK Shekara qyzmetine sońǵy 21 kún ishinde maımyl sheshegi boıynsha endemııalyq elderden kelgen nemese sol elderge barǵan Qazaqstan Respýblıkasynyń azamattaryn medıınalyq baqylaýdy qamtamasyz etý tapsyryldy.
Shekara beketterinde polıııanyń baqylaý beketteri ornatylady. Qarjy mınıstrligi men Memlekettik kirister komıtetine memlekettik shekara arqyly avtomobıl ótkizý pýnktterinde sanıtarlyq-karantındik baqylaýdy kúsheıtý tapsyryldy. Eýrazııalyq ekonomıkalyq odaqtyń kedendik shekarasymen tuspa-tus keletin Qazaqstan Respýblıkasynyń memlekettik shekarasy arqyly avtomobıl ótkizý pýnktterinde barlyq adamǵa mindetti baılanyssyz termometrııa júrgiziledi.
Áýejaılarda qajet bolǵan jaǵdaıda termometrııa qaıta engiziledi. Kólik mınıstrligi JQQ bolýyn qamtamasyz etýge tıis. Kólik quralynda jolaýshylardy otyratyn oryndary boıynsha otyrýyn qatań baqylaý tapsyryldy. Maımyl shesheginiń aldyn alý boıynsha taǵy qandaı sharalar qabyldanǵanyn qaýlydan tolyǵyraq oqýǵa bolady.
