ءبىلىم
بالاباقشادا 12 بالاعا بار-جوعى 4 تارەلكە تاماق بەرىلگەن
فوتو: اشىق دەرەككوز
اقتاۋداعى بالاباقشادا 12 بالاعا بار-جوعى ءتورت تارەلكە تاماق بەرىلگەن. بۇل تۋرالى Stan.kz اقپارات اگەنتتىگى حابارلايدى.
اقتاۋ قالاسىنداعى №29 بالاباقشا تاربيەلەۋشىلەرىنىڭ بالالاردى تاماقتاندىرىپ جاتقان ءساتى بەينەباقىلاۋ كامەراسىنا ءتۇسىپ قالعان. ۆيدەو الەۋمەتتىك جەلىدە جاريالاندى.
اتا-انالارىنىڭ ايتۋىنشا, 12 بۇلدىرشىنگە تاڭعى اسقا تەك بەس پورتسيا, ال كەشكى اسقا ءتورت پورتسيا تاماق بەرىلگەن.
«ۇلگەرگەندەر تارەلكەنى الىپ الدى, ال ۇلگەرمەگەندەر باسقالاردىڭ تاماق ءىشىپ جاتقانىنا قاراپ وتىردى», – دەيدى اتا-انالار.
سونداي-اق تاعى بىر انا باسشىلىق اۋىسقان سوڭ مەكەمەدەگى بالالارعا دەگەن كوزقاراس وزگەرىپ, بالاسىن باسقا بالاباقشاعا اۋىستىرۋعا ءماجبۇر بولعانىن اتاپ ءوتتى.
قالالىق ءبىلىم باسقارماسى بۇل فاكتى بويىنشا ارنايى كوميسسيا قۇرىلىپ, دۇيسەنبى, 1 شىلدە كۇنى تەكسەرۋ جۇرگىزەتىنىن مالىمدەدى.
ەسكە سالساق, بۇعان دەيىن تۇركىستان وبلىسىنداعى جەكەمەنشىك بالاباقشادا 34 ءبۇلدىرشىن ۋلانىپ قالعانى تۋرالى جازعان ەدىك.
