«Balalar úıinen 8 bala asyrap alǵan». Jol apatynan qaza tapqan polıeıge qatysty derekter

Foto: Ashyq derekkózderden

Jambyldaǵy jantúrshigerlik jol apatynan qaza tapqan polıeıdiń biri – «100 jańa esim» jobasynyń ekinshi kezeńiniń jeńimpazy, 11 balanyń ákesi 46 jastaǵy Ǵalym Arystanbaev bolyp shyqty, dep habarlaıdy Qaz365.kz.

2016 jyly Jambyl oblysy Merke aýdanynyń jergilikti polıııa qyzmetiniń aǵa serjanty Ǵalym Arystanbaev jarymen birge alty ul, bes qyzdy tárbıelep otyrǵany týraly jazylǵan edi. Olardyń 8-i jetimder úıinen alynǵan ártúrli ult ókilderiniń balalary, olardyń ishinde qazaq, ázirbaıjan, qytaı, ózbek, syǵan, orys, uıǵyr, tatar bar. Ol áıelimen otbasy tıpindegi balalar úıin ashqan. Ǵalym óz áıeliniń keremet qoldaý kórsetetinin aıtady. Áıeli Álııamen 10 jyldan astam ýaqyt birge ómir súrip keledi.
Polıeı «100 jańa esim» jobasyna qatysyp, ekinshi kezeńde jeńimpaz atanǵan. Sol kezde Nazarbaevtyń qolynan marapat alǵan.

Aıta keteıik, 2024 jyldyń 17 tamyzynda saǵat 01:00 shamasynda «Merki – Shý – Býrylbaıtal» respýblıkalyq mańyzy bar avtojolynyń 40-shaqyrymynda aýyr jol-kólik oqıǵasy boldy. 25 jastaǵy Toıota Alfard avtokóliginiń júrgizýshisi qarsy jolaqqa shyǵyp, Shkoda Oktavııa patrýldik polıııa kóligimen soqtyǵysqan.
Apat saldarynan jol qaýipsizdigin qamtamasyz etý úshin júrgen qyzmettik kóliktegi eki patrýldik polıııa qyzmetkeri qaza tapty. Qaıtys bolǵan polıııa qyzmetkerleriniń biri – Ǵalym Arystanbaev bolatyn.

Atalǵan derek boıynsha QR QK 345-baby 4-bóligimen sotqa deıingi tergeý bastaldy. Polıııa muqııat tergeý júrgizip, oqıǵanyń mán-jaıyn anyqtaý boıynsha barlyq qajetti sharalardy qabyldaýda.