بالالار ءۇشىن قاۋىپتى كىتاپتار مەن توپتاردىڭ ءتىزىمى جاريا بولدى

فوتو: اشىق دەرەككوز

بالا قۇقىقتارى جونىندەگى ۋاكىل دينارا زاكيەۆا بالالار ءۇشىن قاۋىپتى كىتاپتار مەن الەۋمەتتىك جەلىدەگى توپتاردىڭ ءتىزىمىن جاريالادى, – دەپ حابارلايدى Dalanews.kz.

بالالاردىڭ قۇقىقتارىن قورعاۋ كوميتەتى بارلىق مەكتەپ چاتتارىنا الەۋمەتتىك جەلىلەردەگى قاۋىپتى توپتار مەن قاۋىپتى كىتاپتاردىڭ ءتىزىمىن جانە نازار اۋدارۋدى قاجەت ەتەتىن بەلگىلەردى, سونداي̆-اق بالانى قاي̆تىمسىز سالدارعا اكەلەتىن ءارتۇرلى قاۋىپ-قاتەرلەردەن قورعاۋ ءۇشىن كومەك سۇراۋعا بولاتىن قىزمەتتەردىڭ باي̆لانىس نومىرلەرىن قامتيتىن جادىناما جىبەرىلگەن.

«سونىمەن قاتار, بالاڭىزبەن ولار قاۋىپسىزدىك ساباقتارىندا قاراستىرعان تاقىرىپتاردى تالقىلاۋ پاي̆دالى بولادى. نە ەسىندە قالعانىن, نە ۇي̆رەنگەنىن, قانداي̆ جەدەل قىزمەتتەر مەن سەنىم تەلەفوندارىنىڭ نومىرلەرىن بىلەتىنىن جانە ءتۇرلى جاعداي̆لاردا ءوز ءومىرىن قالاي̆ قاۋىپسىزدەندىرۋى كەرەكتىگىن سۇراپ وتىرۋ ماڭىزدى», – دەيدى زاكيەۆا.

زاكيەۆا بالالاردىڭ قاۋىپسىزدىگىن ۇي̆دەن باستاپ (تەرەزەلەرگە بلوكيراتور ورناتۋ, كىشكەنتاي̆ بالالاردى قاراۋسىز قالدىرماۋ), ولارعا ەرەسەكتەرمەن جانە قۇرداستارىمەن قارىم-قاتىناس كەزىندە قانداي̆ جاعداي̆لاردان اۋلاق بولۋ كەرەكتىگىنە, سونداي̆-اق الەۋمەتتىك جەلىلەردەگى قاۋىپ-قاتەرلەرگە دەي̆ىن ءتۇسىندىرۋ ارقىلى قامتاماسىز ەتۋ كەرەگىن ايتادى.

سونىمەن, دينارا زاكيەۆانىڭ سوزىنشە,بالاڭىزدىڭ الەۋمەتتىك جەلىدە مىنا توپتارعا كىرمەۋىن قاداعالاڭىز:

سيني كيت,تيحي دوم, رازبۋدي مەنيا ۆ 4.20, ملەچنىي پۋت, مورە كيتوۆ, U19, F57, بەگي يلي ۋمري, كيتى پلىۆۋت ۆۆەرح, f58, رينا, نيا.پوكا, 50 دنەي دو موەگو.., كراسنىي دەلفين, سويۋز نەرنىح كلەتوك, Honey moon, سويۋز يان.

ودان بولەك, بالالاردىڭ مىنا كىتاپتاردى وقىماعانى ءجون:

تسۆەتى پيونا نا سنەگۋ, سپلەتني ي ك-رور, پوكا نە پوگاسنەت پوسلەدني فونار, ەدينستۆەننىي كونەتس زلودەيكي – سمەرت, ناچالو پوسلە كونتسا, حاسكي ي ەگو ۋچيتەل بەلىي كوت, ماگيستر دياۆولسكوگو كۋلتا, زلودەيسكي پۋت جەنە ت. ب.

بالالار ءۇشىن قاۋىپتى ونلاين ويىندار: Schoolboy runaway – stealth, GachaLife جانە تاعى باسقالارى.