Balalarǵa týberkýlezge qarsy vakına egý toqtatyldy – «SQ – Farmaııa»

Elimizde balalardy týberkýlezge qarsy egý jumystary 2-3 aıǵa keshigýi múmkin, dep habarlaıdy QazAqparat tilshisi. Bul týraly Ortalyq kommýnıkaııalar qyzmetinde ótken brıfıngte «SQ-Farmaııa» JShS basqarma tóraǵasynyń mindetin atqarýshy Berik Shárip málim etti. «Qazaqstanda jyl saıyn týberkýlezge qarsy 370 myńnan astam jańa týǵan náreste men 230 myńnan astam 6-7 jastaǵy bala egiledi. О́tken kezeńde barlyǵy 700 myń bala egilgen bolatyn. Sońǵy 14 jylda japonııalyq Japan BCG Laboratory kompanııasynyń ekpesi qoldanylyp kelgen.  Atalmysh kompanııa bıylǵy jibergen ekpeniń 33 serııasyn 35 elden qaıtaryp alýyna baılanysty Qazaqstanda týberkýlezge qarsy  ekpe jumystary ýaqytsha toqtatylady» degen Berik Shárip onyń japonııalyq ekpe ornyna Úndistannan Serum atty ekpe ákelý boıynsha kelissóz júrip jatqanyn jetkizdi. «Qazir QR Densaýlyq saqtaý mınıstrliginiń tıisti kelissózder júrgizip jatyr. Ony Úndistannan Qazaqstanǵa jetkizgenshe 2-3 aı ýaqyt ketedi. Osy kezeńge deıin týberkýlezge qarsy ekpe jumystary toqtatyla turady»,  – dedi ol. QR Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Bıýrabekova buǵan deıin japonııalyq ekpeni saldyrǵan balalar úshin alańdaýǵa esh negiz joq ekenin qosty. «Japonııalyq kompanııa bıyl shyǵarǵan 90 myń partııanyń 3 qutysynan ǵana bógde zat tapqan. Onyń ózinde ekpeniń ózinen emes, eritkishten tyǵynnyń bólshegi shyqqan. Japonııa sol sebepti búkil partııany qaıtaryp alyp jatyr. Sondyqtan buǵan deıin egilgen vakınalardyń bala densaýlyǵyna qaýip tóndirýi múmkin emes», – dedi komıtet basshysy.

Derekkóz: https://24.kz