Jańalyqtar
«Balam men kelinim aıaýsyz uryp-soǵady»: Týǵan ulynan zábir kórgen qart ájeı kópshilikten kómek surady
Foto: skrın
Týǵan uly men kelinimmen taıaq jep, urys estımin degen keıýana kómek surady. Bul týraly jýrnalıst Gúlmıra Ábiqaı Instagram jelisindegi paraqshasynda jazdy, dep habarlaıdy qandastar.kz aqparat portaly.
Ájeıdiń sózine sensek, balasy men kelini taıaqtyń astyna alyp, úıden qýatyn kórinedi.
”Qartaıǵanda osyndaı júris maǵan jaqsy ma?! Balam men kelinim urady, soǵady, barymdy alyp, úıden qýady. Ash qylǵan joqpyn, urmaı-soqpaı, jetkizdim. Endi aınalyp kelgende men jaman, aýrý kempir bolyp qaldym. Úıden shyq deıdi. О́z týǵan balam urady. Kelinim de ket, úıden shyq deıdi. Kúshi kelmese, balama aıtyp urǵyzady”, — deıdi ol.
Skifnews.kz jazǵandaı, Gúlmıra Ábiqaı mundaı is-árket turmystyq zorlyq-zombylyqqa jatatynyn aıtyp, beı-jaı qaramaýǵa shaqyrdy.
“О́kinishke qaraı, sońǵy kezdegi shyndyq osy! 9 aı kóterip, týyp, ósirip, óndirip qartaıǵan shaǵynda sol baladan qorlyq kórgen ata-analar kóbeıdi. Aqyrzaman degen osy ma ekendep qarap otyrmaı shuǵyl 102 habarlasyńyz! Bul zańmen jazalanatyn turmystyq zorlyq-zombylyq!”, — dep jazdy ol.
Jeli qoldanýshylary ájeıdiń balasy men kelinin jaýapqa tartýdy talap etýde.
”Sumdyq, quqyq qorǵaý organdary dereý osy ispen aınalysyp, balasyn jaýapqa tartsyn”, “Biz anaǵa zar bolyp júrsek, jurt qolda baryn qadirlemeı júr”, “Sanasyz balasy zań aldynda jaýap bersin”, “Ekeýin de sotqa berý kerek”, — dep jazdy olar.
