Jańalyqtar
Balqash kólin saqtaý: Qazaqstan Qytaımen qandaı mámilege otyrmaq?
Foto: kazaknews.kz
Qazaqstan men Qytaı eki el arasyndaǵy transshekaralyq ózenderdiń sýyn bólý máselesi boıynsha úkimetaralyq kelisim jobasyn ázirlep jatyr. Bul týraly 2024 jylǵy 19 tamyzda QR Sý resýrstary jáne ırrıgaııa mınıstrligi málimdedi, dep habarlaıdy qandastar.kz Zakon.kz-ke silteme jasap.
Eki memlekettiń mamandary kiretin birlesken jumys toby qujatty ázirleýmen aınalysady. Kelisim jasaýdaǵy negizgi mindet Balqash kólin qalypty deńgeıde saqtaýǵa kepildik beretin sý kóleminiń túsýin qamtamasyz etý bolyp tabylady.
«Mınıstrlik Balqash kólin qajetti sý kólemimen qamtamasyz etýge úlken kóńil bóledi. Jyl basynan kólge 12 mlrd tekshe metrden astam sý jiberildi», — dedi Sý resýrstary jáne ırrıgaııa mınıstrliginiń resmı ókili Móldir Ábdýalıeva.
2024 jylǵy 20 mamyrda Balqash kólindegi sý deńgeıi taǵy 8 sm-ge artqany belgili boldy.
