جاڭالىقتار
بالقاشتا ناۋرىز كەزىندە تۇيە ادامدى تاپتاپ كەتتى
فوتو: سكرين
بالقاش قالاسىندا ناۋرىز مەيرامى كەزىندە كۇتپەگەن جاعداي بولدى. مەرەكەلىك الاڭدا تۇيە كەنەتتەن جۇگىرىپ, سەكىرە باستاعان, دەپ حابارلايدى qandastar.kz
جانۋاردى توقتاتپاق بولعان جۇرگىزۋشى تۇيەنىڭ تابانىنىڭ استىنا قۇلاپ, كەيىن تىركەمەنىڭ دوڭگەلەكتەرى باسىپ كەتكەن.
كۋاگەرلەردىڭ ايتۋىنشا, الاڭدا جۇرگەن تۇرعىندار بالالارىن قاۋىپسىز جەرگە الىپ كەتۋگە اسىققان. زارداپ شەككەن ەر ادام ءتىرى, بىراق ونىڭ جاراقاتىنىڭ اۋىرلىعى ءالى بەلگىسىز.
قالالىق پوليتسيا دەپارتامەنتى بۇل وقيعاعا قاتىستى تۇسىنىكتەمە بەردى:
«بالقاش قالاسىنىڭ تۇرعىنى, تۇيە يەسى اۋىل شارۋاشىلىعى جانۋارلارىن جايۋ جانە اباتتاندىرۋ ەرەجەلەرىن بۇزعانى ءۇشىن قر اقبتك-ءنىڭ 505-بابىنىڭ 1-بولىگى جانە 408-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلدى», – دەپ حابارلادى ۆەدومستۆو.
