جاڭالىقتار
«بالمۇزداق لاقتىرعان»: تاعى ءبىر كاسىپكەر تەگىن بالمۇزداق تاراتقانى ءۇشىن جاۋاپقا تارتىلدى
شىمكەنتتە كاسىپكەر تەگىن بالمۇزداق تاراتقانى ءۇشىن جاۋاپقا تارتىلدى, دەپ حابارلايدى Qandastar.kz اقپارات پورتالى.
بۇل اكتسيا 1 ماۋسىم – بالالاردى قورعاۋ كۇنىنە وراي وتكەن. تەگىن بالمۇزداق شىمكەنتتەگى «تۇران-2» ىقشاماۋدانىنداعى «جاڭالىق» ساۋدا ءۇيىنىڭ جانىندا تاراتىلعان. بۇل اكتسيانىڭ سوڭى بالمۇزداق لاقتىرىپ, شۋعا ۇلاستى.
ۇيىمداستىرۋشىعا 50 اەك ياعني 196 600 تەڭگە كولەمىندە ايىپپۇل سالىندى. سونىمەن قاتار ول ۇساق بۇزاقىلىق جاساعانى ءۇشىن 5 تاۋلىككە قاماۋعا الىندى.
ەسكە سالا كەتەيىك, بۇعان دەيىن دە اقتاۋدا تەگىن بالمۇزداق تاراتىپ, تۇرعىندار اراسىندا دۇربەلەڭ تۋدىرعان كاسىپكەر روزا رىمباەۆا اكىمشىلىك جاۋاپكەرشىلىككە تارتىلعان بولاتىن.
