جاڭالىقتار
بالمۇزداق ساتىپ العان ەر ادام تەرگەلۋدە
قاراعاندىدا كريمينالدىق پوليتسيا قىزمەتكەرلەرى جالعان كۋپيۋرالارمەن تاۋارعا اقشا تولەپ جۇرگەن ەر ادامدى ۇستادى, دەپ حابارلايدى qandastar.kz.
قاراعاندى پب ميحايلوۆسكي پوليتسيا ءبولىمى تەرگەۋ-جەدەل توبىنىڭ قىزمەتكەرلەرى الاياقتىق جاسادى دەگەن كۇدىكپەن 52 جاستاعى ەر ادامدى ۇستادى.
«الاياق قالا ساياباقتارىنىڭ بىرىندە ەكى دۇڭگىرشەكتە بالمۇزداق ساتىپ العان. بۇل رەتتە بارلىق جاعدايدا نومينالى 10 مىڭ تەڭگە بولاتىن كادەسىي كۋپيۋرالارىمەن تولەگەن. ول گۇل شوقتارىن ساتىپ العان گۇل دۇكەنىندە دە وسىنداي قۋلىق جاساعان. زالالدىڭ جالپى سوماسى 30 مىڭ تەڭگە بولعان», — دەلىنگەن حابارلامادا.
ساۋدا نۇكتەلەرىندە ورناتىلعان بەينەكامەرالاردىڭ ارقاسىندا كۇدىكتىنىڭ جەكە باسى انىقتالدى. ۇستالعان ادام كىناسىن مويىندادى. زاتتاي دالەلدەمەلەر تاركىلەندى. قىلمىستىق ءىس قوزعالدى, تەرگەۋ جۇرگىزىلىپ جاتىر.
