ء«بارى ءادىل, اشىق ءوتتى»: ساياسات نۇربەك نەلىكتەن جوعارى بالل العان قازاقستاندىق تۇلەكتەردىڭ گرانت ۇتا الماي قالعانىن ءتۇسىندىردى

فوتو: اشىق دەرەككوز

عىلىم جانە جوعارى ءبىلىم ءمينيسترى ساياسات نۇربەك نەلىكتەن جوعارى بالل العان قازاقستاندىق تۇلەكتەردىڭ گرانت ۇتا الماي قالعانىن ءتۇسىندىردى. ايتۋىنشا كونكۋرس ءادىل وتكىزىلگەن. بۇل تۋرالى Stan.kz اقپارات اگەنتتىگى حابارلايدى.

ءمينيستردىڭ ايتۋىنشا جوعارى بالل جيناپ, الايدا جوعارى وقۋ ورىندارىنا گرانت الا الماعاندار از گرانت بولىنگەن ماماندىققا تاپسىرعان.

“90 بالدان جوعارى جيناپ, مەملەكەتتىك ءبىلىم بەرۋ گرانتتارىن ۇتا الماي قالعان 10 607 تالاپكەردى مۇقيات قاراستىرايىق. بۇل ابيتۋرەنتتەر قانداي ماماندىققا تاپسىرعان? بىرىنشە ەڭ كوپ ادام تاپسىرعان ماماندىق – دەنە شىنىقتىرۋ ءپانىنىڭ مۇعالىم. 3052 ادام بۇل ماماندىق بويىنشا گرانت الا المادى. سەبەبى ءبىز بۇعان بيىل 600 عانا گرانت بولگەنبىز. تاعى ءبىر 941 ادام گرانت ۇتا الماي قالعان ماماندىق – سان جانە ديزاين. بيىل بۇل سالاعا 205 گرانت بولىنگەن ال تاپسىرعاندار سانى 1624 ادام. سۋرەت ونەرى مەن سىزۋ پانىنە دايىندىق ماماندىعىنا 120 گرانت بولسەك, 713 ادام ءوتىنىش بىلدىرگەن. جوعارى بالل الىپ گرانت ۇتا الماي قالعانداردىڭ 70 پايىزى مەملەكەتكە سۇرانىس تۋدىرمايتىن ماماندىققا تاپسىرعان”, – دەدى مينيستر.

مينيستر ءبارىنىڭ ءادىل, اشىق وتكەنىن العا تارتتى. كىمەت وتىرىسىنداعى سوزىندە ول سۋ تاسقىنىنان زارداپ شەككەن وڭىرلەردىڭ تۇلەكتەرىنە 5 مىڭنان استام گرانت بولىنگەنىن جەتكىزدى.

“سۋ باسقان وڭىرلەردەن 20 مىڭنان استام تۇلەكتىڭ جارتىسىنان كوبى جالپى كونكۋرس بويىنشا ءوتتى. زارداپ شەككەن وبلىستاردان تالاپكەرلەر ءۇشىن بارلىعى 5 112 گرانت ءبولىندى. بۇل ايماقتاردى قولداۋ ءۇشىن تالاپكەرلەرگە دايىندالۋ جانە كونكۋرسقا قۇجاتتارىن تاپسىرۋ ءۇشىن مەرزىمى كەڭەيتىلدى, جانە كونكۋرسقا ەڭ جاقسى ۇبت ناتيجەسى بار سەرتيفيكاتىن ۇسىنۋ مۇمكىندىگى بەرىلدى», – دەپ باياندادى ول.

ەسكە سالساق, جەلىدە تۇلەكتەر جوو-عا ءتۇسۋ گرانتىنىڭ باسىم كوپشىلىگى سۋ تاسقىنىنان زارداپ شەككەندەرگە بەرىلگەنىنە قارسى شىققانىن حابارلاعان ەدىك.