«Bári ádil, ashyq ótti»: Saıasat Nurbek nelikten joǵary ball alǵan qazaqstandyq túlekterdiń grant uta almaı qalǵanyn túsindirdi

Foto: ashyq derekkóz

Ǵylym jáne joǵary bilim mınıstri Saıasat Nurbek nelikten joǵary ball alǵan qazaqstandyq túlekterdiń grant uta almaı qalǵanyn túsindirdi. Aıtýynsha konkýrs ádil ótkizilgen. Bul týraly Stan.kz aqparat agenttigi habarlaıdy.

Mınıstrdiń aıtýynsha joǵary ball jınap, alaıda joǵary oqý oryndaryna grant ala almaǵandar az grant bólingen mamandyqqa tapsyrǵan.

“90 baldan joǵary jınap, memlekettik bilim berý granttaryn uta almaı qalǵan 10 607 talapkerdi muqııat qarastyraıyq. Bul abıtýrentter qandaı mamandyqqa tapsyrǵan? Birinshe eń kóp adam tapsyrǵan mamandyq – Dene shynyqtyrý pániniń muǵalim. 3052 adam bul mamandyq boıynsha grant ala almady. Sebebi biz buǵan bıyl 600 ǵana grant bólgenbiz. Taǵy bir 941 adam grant uta almaı qalǵan mamandyq – Sán jáne dızaın. Bıyl bul salaǵa 205 grant bólingen al tapsyrǵandar sany 1624 adam. Sýret óneri men syzý pánine daıyndyq mamandyǵyna 120 grant bólsek, 713 adam ótinish bildirgen. Joǵary ball alyp grant uta almaı qalǵandardyń 70 paıyzy memleketke suranys týdyrmaıtyn mamandyqqa tapsyrǵan”, – dedi mınıstr.

Mınıstr báriniń ádil, ashyq ótkenin alǵa tartty. kimet otyrysyndaǵy sózinde ol sý tasqynynan zardap shekken óńirlerdiń túlekterine 5 myńnan astam grant bólingenin jetkizdi.

“Sý basqan óńirlerden 20 myńnan astam túlektiń jartysynan kóbi jalpy konkýrs boıynsha ótti. Zardap shekken oblystardan talapkerler úshin barlyǵy 5 112 grant bólindi. Bul aımaqtardy qoldaý úshin talapkerlerge daıyndalý jáne konkýrsqa qujattaryn tapsyrý úshin merzimi keńeıtildi, jáne konkýrsqa eń jaqsy UBT nátıjesi bar sertıfıkatyn usyný múmkindigi berildi», – dep baıandady ol.

Eske salsaq, jelide túlekter JOO-ǵa túsý grantynyń basym kópshiligi sý tasqynynan zardap shekkenderge berilgenine qarsy shyqqanyn habarlaǵan edik.