«Bárimiz jyladyq»: Jahan Otarǵalıev jeke ómiri týraly aıtty

Bloger, akter, prodıýser Jahan Otarǵalıev 9 jyldan keıin áke atanǵaly jatqan bloger Eldos»Kolobokty» quttyqtady. Ol áleýmettik jelide 16 jyl sábı ańsap júrgenin aıtty, dep habarlaıdy Qandastar.kz.

Jahan Otarǵalıev dosyna qatty qyzyqqanyn aıtyp, Alladan úmitin úzbeıtinin de jasyrmady.

«Eldos úshin qýanyshtymyn. Vıdeosyn bárimiz kórdik, jyladyq. Qandaı keremet sezim. Endi úmitimizdi úzbeımiz, Alla násip etse. 16 jyl kúttik, taǵy da sál shydaımyz. Alla beredi ǵoı. Men Eldos baýyrym úshin qýanyshtymyn. Únemi bir birimizge qoldaý kórsetetinbiz. Allanyń bereri kóp bolsyn. Kolobokke qyzyǵyp, mende de bolsa eken dep gender patıdiń ıdesyn jazyp tastadym. Dál qazir balasy bar jandar, shúkir qylaıyq. О́mirde otbasydan artyq ne bar?! Aqsha, baılyq keledi, ketedi. Máselesi joq adam joq. Maǵan da kóp adam jazyp jatyr. Seni tanymaıtyn, biraq sen úshin duǵa jasaıtyn jandardyń baryna Allaǵa shúkir. Alla qalasa, bizde de jańalyq bolady. Men senemin Allaǵa», — deıdi ol.

Jeli qoldanýshylary Jahan Otarǵalıevke qoldaý bildirip, jubatý sózderin jarysa jazýda.

«Sol vıdeony kórgende birden esime sen tústiń. Sen úshin duǵa jasadym. Juǵysty bolsyn», «Sizge de áke ataný buıyrsyn», «Halyq bolyp siz úshin duǵa jasaımyz. Egiz uldyń gender patıy bolsyn», — dep jazdy olar.