«ءبارىڭ شۇبىرىپ نە ءبىتىرىپ جۇرسىڭدەر?». باقىت سارسەكباەۆ بوكس فەدەراتسياسىن سىنعا الدى

فوتو: اشىق دەرەككوز

بۇگىن پاريج وليمپياداسىندا بوكستان 57 كەلىگە دەيىن سالماقتا سىنعا تۇسكەن ماحمۇد سابىرحان العاشقى كەزدەسۋىندە جەڭىلىس تاپتى. وسىعان قاتىستى بەيجىڭ وليمپياداسىنىڭ چەمپيونى, داڭقتى بوكسشى باقىت سارسەكباەۆ پىكىر ءبىلدىردى, – دەپ حابارلايدى 1bol.kz.

«جىگىتتەردىڭ فيزيكاسى وتە ناشار! ەكىنشى راۋندتا تىنىس الۋلارى قيىنداپ, رينگتە ازەر ءجۇر. سوققى تىم از. سەريالىق سوققىلار مۇلدەم جوق. ءۇش مينۋتتا قانشا سوققى جاساۋعا بولادى? فيزيكامەن اينالىسادى دەپ شاقىرتقان ماماندارى قايدا قاراپ ءجۇر? كەشەندى عىلىمي توپ مۇشەلەرى نە ءبىتىرىپ جاتىر? نەگە ءبىزدىڭ بوكسشىلارعا شارشى الاڭدا دەم جەتپەي قالا بەرەدى? نەگە ءۇش راۋندتا اياققا تۇرىپ ۇيرەنبەيدى? ءبارىڭ شۇبىرىپ نە ءبىتىرىپ جۇرسىڭدەر? سوسىن تاعى ءبىر سۇراعىم بار: ءاربىر بوكسشى ليتسەنزيا العاننان كەيىن وليمپياداعا دەيىن نەشە جەكپە-جەك وتكىزدى? پراكتيكا بار ما? مىسالى, مەن بەيجىڭ وليمپياداسىنا دەيىن جارتى جىلدا 22 كەزدەسۋ وتكىزدىم. ال باس باپكەر ايتارعا ءسوزىم جوق», – دەيدى باقىت سارسەكباەۆ.

ايتا كەتەيىك, ماحمۇد سابىرحان وليمپيادانىڭ ءبىرىنشى اينالىمىندا يسپانيالىق حوسە كيلەسكە ەسە جىبەردى.