باس پروكۋراتۋرا ديكي ارماننىڭ دوسى ۇستالعانىن راستادى

فوتو: اشىق دەرەككوز

باس پروكۋراتۋرا باكۋدە جانبولات سەرىكوۆتىڭ ۇستالعانىن راستادى. كەيبىر باق مالىمەتىنشە, ول كەلىمبەتوۆتىڭ كۇيەۋ بالاسى, دەپ حابارلايدى qandastar.kz BES.media-عا سىلتەپ.

جانبولات سەرىكوۆ دۋبايدا قارجى پيراميداسى Finiko-نىڭ ۇيىمداستىرۋشىسىنا شابۋىل جاسادى دەگەن كۇدىككە ءىلىندى.

قازاقستان رەسپۋبليكاسىنىڭ باس پروكۋراتۋراسى BES.media-نىڭ سۇراۋىنا جاۋاپ بەرە وتىرىپ, باكۋدە جانبولات سەرىكوۆتىڭ ۇستالعانىن راستادى. باق ونى بۇرىنعى ۇلتتىق بانك توراعاسى قايرات كەلىمبەتوۆتىڭ كۇيەۋ بالاسى جانە “ديكي ارمان” توبىنىڭ بەلسەندى مۇشەسى دەپ اتاۋدا.

باس پروكۋراتۋرانىڭ مالىمەتىنشە, ول بىرىككەن اراب امىرلىكتەرىنىڭ قۇقىق قورعاۋ ورگاندارىنىڭ سۇراۋى بويىنشا باكۋدە ۇستالعان. بۇل اقپارات قازاقستاننىڭ ازەربايجانداعى ەلشىلىگىنە سىلتەمە جاساي وتىرىپ بەرىلدى.

“سونىمەن قاتار, قازاقستان قۇقىق قورعاۋ ورگاندارى جانبولات سەرىكوۆكە قىلمىس جاسادى دەگەن ايىپپەن ىزدەۋ سالماعان, سوندىقتان ونى قازاقستانعا ەكستراديتسيالاۋ ماسەلەسى قاراستىرىلىپ جاتقان جوق”, – دەپ حابارلادى باس پروكۋراتۋرا.

ىشكى ىستەر مينيسترلىگى BES.media-عا جانبولات سەرىكوۆقا قاتىستى قىلمىستىق ىستەردىڭ جوق ەكەنىن مالىمدەدى.

جانبولات سەرىكوۆ قارجى پيراميداسى Finiko-نىڭ نەگىزىن قالاۋشى ەدۆارد سابيروۆقا شابۋىل ۇيىمداستىرعان بولۋى مۇمكىن. Telegram-كانالىنداعى اقپاراتقا سايكەس, قىلمىسكەرلەر 327 مىڭ اقش دوللارىن (173,7 ملن تەڭگە) ۇرلاعان. شابۋىلدان كەيىن كۇدىكتىلەر ماسكەۋگە ۇشىپ كەتكەن, وندا ولار ءباا پوليتسياسىنىڭ سۇراۋى بويىنشا ۇستالعان. جانبولات سەرىكوۆ 2024 جىلدىڭ 3 قاڭتارىندا ستامبۇلدان كەلگەننەن كەيىن باكۋدە ۇستالعان.

Orda.kz-ءتىڭ مالىمەتىنشە, قاماۋدا وتىرعان ارمان جۇماگەلديەۆ (ديكي ارمان) جانبولات سەرىكوۆپەن دوس بولعان. ولار بىرنەشە رەت شەتەلدە جانە قازاقستاندا كەزدەسكەن.

جانبولات سەرىكوۆتىڭ Freedom Bank, بانك تسەنتركرەديت جانە ForteBank الدىندا 3 ميلليارد تەڭگەدەن استام قارىزى بار. 2023 جىلدىڭ جەلتوقسانىنان باستاپ وعان قازاقستاننان شىعۋعا تىيىم سالىنعان.

راستالماعان اقپارات بويىنشا, ول بۇرىنعى ۇلتتىق بانك توراعاسى جانە قازاقستان پرەمەر-ءمينيسترىنىڭ ەكس-ورىنباسارى قايرات كەلىمبەتوۆتىڭ كۇيەۋ بالاسى. جانبولات سەرىكوۆ شىنار نەماتوۆاعا, ەكس-شەنەۋنىكتىڭ قىزىنا ۇيلەنگەن دەپ كورسەتىلەدى.

اشىق دەرەككوزدەردە جانبولات سەرىكوۆتىڭ يەلىگىندە “كريستالل” تۇنگى كلۋبى بار ەكەنى ايتىلادى. بۇل نىساننىڭ 3,1 ميلليارد تەڭگە قارىزى بار.