Бірыңғай уақыт белдеуіне көшуге байланысты намаз уақыты қалай өзгереді — ҚМБД мәлімдеме жасады

Мүфтияттың хабарлауынша, бір уақыт белдеуіне көшуге байланысты ресми сайттағы намаз уақыты 1 наурыздан бастап жаңарады.

«29 ақпаннан 1 наурызға қараған түні сағат 00:00-де Қазақстан бойынша UTC (Дүниежүзілік үйлестірілген уақыт) +5 уақытына ауысқан сәтте намаз уақыттары да автоматты түрде өзгереді. Қазақстан мұсылмандары діни басқармасының ресми www.muftyat.kz сайтындағы намаз кестесінен өздеріңізге қажет ауыл мен қаладағы намаз уақыттары жайлы мәліметті алуға болады. Ал жұма намазына қатысты ақпарат төмендегі кестеде көрсетілді»,-делінген діни басқарма хабарламасында .