Biryńǵaı ýaqyt beldeýine kóshýge baılanysty namaz ýaqyty qalaı ózgeredi — QMBD málimdeme jasady

Múftııattyń habarlaýynsha, bir ýaqyt beldeýine kóshýge baılanysty resmı saıttaǵy namaz ýaqyty 1 naýryzdan bastap jańarady.

«29 aqpannan 1 naýryzǵa qaraǵan túni saǵat 00:00-de Qazaqstan boıynsha UTC (Dúnıejúzilik úılestirilgen ýaqyt) +5 ýaqytyna aýysqan sátte namaz ýaqyttary da avtomatty túrde ózgeredi. Qazaqstan musylmandary dinı basqarmasynyń resmı www.muftyat.kz saıtyndaǵy namaz kestesinen ózderińizge qajet aýyl men qaladaǵy namaz ýaqyttary jaıly málimetti alýǵa bolady. Al juma namazyna qatysty aqparat tómendegi kestede kórsetildi»,-delingen dinı basqarma habarlamasynda .