باس پروكۋرور 278 ملن تەڭگە سوماعا ەڭبەكاقى ءوندىرىپ الىنعانىن ايتتى

فوتو: اشىق دەرەككوز

1991 جىلى ءدال وسى كۇنى قازاقستان رەسپۋبليكاسىنىڭ جوعارى قاداعالاۋ ورگانىنىڭ جۇيەسى بەكىتىلگەن ەدى. وسىعان وراي باس پروكۋرور بەرىك اسىلوۆ سۇحبات بەردى, دەپ جازدى qandastar.kz

باس پروكۋرور بەرىك اسىلوۆتىڭ ايتۋىنشا, قاداعالاۋ قىزمەتىنىڭ اۋقىمى قوعامدىق مۇددەلەر سالاسىندا دا ارتتى.

«بۇل رەتتە ءبىز ازاماتتاردىڭ الەۋمەتتىك, ەكونوميكالىق جانە قىلمىستىق سالاعا بايلانىستى ەمەس وزگە دە قۇقىقتارىن قورعاۋ ءۇشىن جۇمىس اتقارامىز. اسىرەسە, كومەككە مۇقتاج بالالار, ەگدە ادامدار جانە قۇقىقتارىن وزدىگىمەن قورعاي المايتىن ادامداردىڭ مۇددەلەرىن قورعايمىز.

ەڭبەك قاتىناستارى سالاسى – ءبىزدىڭ ەرەكشە نازارىمىزدا. وسى جىلى پروكۋراتۋرا اكتىسى بويىنشا 122 مىڭ جۇمىسكەردىڭ قۇقىعى قورعالدى, 278 ملن تەڭگە سوماعا ەڭبەكاقى ءوندىرىلىپ الىندى. سونداي-اق مەنشىك تۋرالى زاڭنامانىڭ, قارجى زاڭناماسىنىڭ, سالىق, كەدەن, بيۋدجەتتىك قاتىناستار, تابيعات قورعاۋ زاڭنامالارىنىڭ ساقتالۋىنا قاداعالاۋ جۇرگىزەمىز. كولىك سالاسىندا 640 ملن-نان اسا سوماعا مەملەكەت مۇددەسى قورعالدى.

قاداعالاۋ اياسىنا اكىمشىلىك قۇقىقبۇزۋشىلىق, ازاماتتىق ءىس جۇرگىزۋ, اكىمشىلىك ادىلەتى, ازاماتتىق ىستەر بويىنشا سوت شەشىمدەرىنىڭ ورىندالۋى جونىندەگى ىستەر كىرەدى. قاداعالاۋ قۇرالدارى ادامداردىڭ ومىرىنە جانە دەنساۋلىعىنا, ەلدىڭ قاۋىپسىزدىگىنە قاتەر تونگەن جاعدايلاردا دا جۇمىلدىرىلادى.

الەۋمەتتىك-ەكونوميكالىق سالادا قۇقىقتىق ءتارتىپتى قامتاماسىز ەتۋدە وسىلايشا جۇيەلى قاداعالاۋ قالىپتاسقان. بيىل پروكۋراتۋرا اكتىلەرى بويىنشا 287 مىڭنان اسا ادامنىڭ كونستيتۋتسيالىق قۇقىعى قالپىنا كەلدى, 1,5 ملن-عا جۋىق ءجاسوسپىرىم قورعالدى, ونىڭ ىشىندە اليمەنت بويىنشا 4 ملرد تەڭگە ءوندىرىلىپ الىندى»,– دەدى بەرىك اسىلوۆ Egemen Qazaqstan گازەتىنە بەرگەن سۇحباتىندا.