«Bas júlde 5 myń teńge»: Semeıde 10 myń teńgege jas óspirimder arasynda jarys ótkizilgen

Foto: ashyq derekkóz

Abaı oblysynyń Semeı qalasynda jasóspirimder arasynda ótkizilgen jarystardyń júldesi týraly áleýmettik jelide beınesıýjet jarııalandy, dep habarlaıdy Alash.KZ. 

Atalmysh vıdeoda palýandardy marapattaý sáti kórsetiledi.

Qyzyq bolǵanda, minberge kóterilgen chempıondarǵa berilgen júlde qory adamnyń aqylyna syımaıdy. Naqtyraq aıtqanda, 3-orynǵa 2 myń teńge, 2-orynǵa 3 myń teńge, Al 1-orynǵa bergen júldeniń kólemi ne bary 5 myń teńge ǵana.

Jarys týraly jelidegi oqyrmandar ártúrli pikir jazyp jatyr. Mysaly, bir oqyrman bul jarystyń qory 500 myń teńge depti. Sonda qalǵan aqsha qaıda jumsalǵany túsiniksiz.

Al taǵy bir oqyrman «Adamdy osynshama qorlaýǵa bola ma? Osy úsh bala bir gazel júk túsirse, budan kóp tabar edi ǵoı» dep jazypty.

Kelesi oqyrman «10 teńgem bar edi,men de bir jarys ótkizip jibersem bolady eken ǵoı. Mynalarda uıat bar ma?» dep jazypty. Oqyrmandardyń kóbi 10 myń teńgelik júlde tigilgen atalmysh jarysty «Jastardyń saǵyn syndyrý, Qazaqstandaǵy sporttaǵy jemqorlyq ashyq kórinisi» dep baǵalapty.