Basqarma tóraǵasynyń ózi kútip alǵan: Astanadaǵy HQKO-da reseılik prodıýserge kórsetilgen qurmet jelidegilerdi ashýlandyrdy

Vıdeodan skrın

«Azamattarǵa arnalǵan úkimet» memlekettik korporaııasynyń baspasóz qyzmeti reseılik prodıýser Iana Rýdkovskaıanyń Astanadaǵy halyqqa qyzmet kórsetý ortalyǵyna (HQKO) kelgeni týraly jazba jarııalady. Jarııalanǵan vıdeodan Rýdkovskaıany memlekettik korporaııa basqarma tóraǵasy Arman Kenjeǵalıevtiń ózi jeke qarsy alǵanyn kórýge bolady. Vıdeo kópshiliktiń ashýyn týǵyzdy, dep jazdy qandastar.kz

Bul týraly Stan.kz aqparat agenttigi habarlaıdy.

Rýdkovskaıanyń aıtýynsha, ol Astanadan páter satyp alý úshin memlekettik qyzmetke júgingen.

«Búgin astanalyq HQKO-da áıgili prodıýser, self-made woman Iana Rýdkovskaıa qonaqta boldy. Qazaqstanda týǵan shoý-bıznes juldyzy memlekettik qyzmetke júginip, elimizdegi ıfrlandyrý men servıstiń joǵary dárejesin erekshe atap ótti. «Azamattarǵa arnalǵan úkimet» Memlekettik korporaııasynyń Basqarma tóraǵasy Iana Rýdkovskaıany HQKO-da qarsy aldy. Aıta ketý kerek, ol óziniń elektrondy kezegin aldyn-ala brondaǵan», – delingen HQKO jarııalaǵan alǵashqy jazbada.

Qazaqstandyqtardyń kópshiligi reseılik prodıýserge erekshe qurmet kórsetilgenin synǵa alǵan.

«Rýdkovskaıa Astanadan páter satyp alypty, jaraıdy. Biraq bir nárseni túsinbeımin. Bizdiń memlekettik qyzmetkerler nege sonsha aınalsoqtap, birge júr? HQKO-da arnaıy qyzmet kórsetip jatyr ma? Qarapaıym salyq tóleýshilerdiń esebinen ómir súrip otyrǵan qyzmetkerler bizge mundaı jaǵdaı jasamaıdy ǵoı, saǵattap kezekte otyramyz. Qazaqstan azamatyna memlekettik qyzmet alý barysynda HQKO-da «Azamattarǵa arnalǵan úkimet» memlekettik korporaııasynyń basqarma tóraǵasy jeke ózi erip júrdi? Jazyńyzdarshy, ótinish. Arman Kenjeǵalıev myrza, Rýdkovskaıa hanymda Qazaqstanda turýǵa ruqsat (VNJ) bar ma? Sebebi, elimizdiń zańnamasyna sáıkes, shetel azamattary Qazaqstanda turýǵa yqtııarhaty bolmasa, turǵyn úı satyp ala almaıdy. VNJ bolmasa, satyp alý-satý nemese syıǵa tartý arqyly turǵyn úıdi rásimdeý múmkin emes. Joq álde, bul Reseı azamatyna arnaıy ózińiz jeke erekshe jaǵdaı jasap berdińiz be?» – dep jazdy jýrnalıst Gúlbaný Ábenova.

Iana Rýdkovskaıamen jarııalanǵan jazbadan keıin memlekettik korporaııa áleýmettik jelidegi pikirlerdi óshirdi.

«Talqylanyp jatqan jarııalanymnyń maqsaty – belgili bir adamdy tanymaldyǵyna qaraı erekshelep kórsetý emes. Jarııalanǵan sátten bastap qoǵamdyq pikirdi muqııat baqylap otyrmyz jáne óz oı-pikirlerin bildirgen barsha azamattarǵa alǵys aıtamyz. Sizderdiń pikirlerińiz biz úshin mańyzdy. HQKO-larda kórsetiletin barlyq memlekettik qyzmetter zań aıasynda jáne barlyq azamattar úshin birdeı negizde júzege asyrylatynyn atap ótkimiz keledi», – delingen habarlamada.

Memlekettik korporaııa ókilderi bul jazba arqyly qyzmet kórsetý sapasyn sheteldikterdiń de moıyndaǵanyna nazar aýdarǵysy kelgenin aıtty. Al Iana Rýdkovskaıany memlekettik korporaııa basqarma tóraǵasy Arman Kenjegalıevtiń jeke qarsy alýyn qonaqjaılylyqtyń bir kórinisi dep atady.

Munymen qatar, memlekettik korporaııa basshysy buǵan deıin de tanymal qazaqstandyqtardy jeke qabyldaǵanyn, bul – qyzmet sapasyn tikeleı baqylap, azamattardan keri baılanys alý úshin jasalatynyn málimdedi.

«Azamattarǵa arnalǵan úkimet» málimetinshe, basshylyq tarapynan kórsetilgen iltıpat memlekettik qyzmetterdi alý kezinde eshqandaı artyqshylyq bermeıdi. Barlyq qyzmetter Qazaqstan zańnamasyna sáıkes, árbir ótinish berýshige teń dárejede usynylady.

Aıta keteıik, Iana Rýdkovskaıa 1975 jyly Qazaqstannyń Qostanaı qalasynda dúnıege kelgen. Týylǵan soń kóp uzamaı otbasy Reseıdiń Barnaýl qalasyna kóship ketken. Rýdkovskaıa – reseılik telejúrgizýshi, mýzykalyq prodıýser, kásipker. Ol – Dıma Bılannyń burynǵy prodıýseri.