ءباسپاسوز كونفەرەنتسياسى وتكىزىلدى

10 ناۋرىز – حالىقارالىق ايەل سۋديالار كۇنى قارساڭىندا وڭىرلىك كوممۋنيكاتسيالار الاڭىندا قىزىلوردا وبلىستىق سوتىنىڭ اكىمشىلىك ىستەر جونىندەگى سوت القاسىنىڭ توراعاسى ج.وسپانوۆا, وبلىستىق سوتتىڭ سۋديالارى ش.ماليكوۆا جانە ك.قانيەۆا ءباسپاسوز كونفەرەنتسياسىن وتكىزدى.

شارادا وبلىستىق سوتتىڭ سۋدياسى ش.ماليكوۆا 2021 جىلى بىرىككەن ۇلتتار ۇيىمى 10 ناۋرىزدى حالىقارالىق سۋديا ايەلدەر كۇنى رەتىندە بەكىتكەنىن, نەگىزگى ماقسات – سوت جۇيەسىندەگى ايەلدەردىڭ جاعدايىن جاقسارتۋعا ىقپال ەتۋ ەكەنىن تىلگە تيەك ەتتى.

القا توراعاسى ج.وسپانوۆا بۇگىندە تاڭدا ەلىمىزدىڭ سوت جۇيەسىندە ايەل سۋديالار ازاماتتاردىڭ قۇقىقتارى مەن بوستاندىقتارىن قورعاۋعا اتسالىسىپ كەلە جاتقانىن, قازىرگى تاڭدا وبلىستا 85 سۋديا قىزمەت اتقارىپ جاتسا, ونىڭ 30-عا جۋىعى ايەل سۋديالار ەكەنىن, سونىمەن قاتار, 3 ايەل سۋديا سوت توراعاسى قىزمەتتەرىن اتقارىپ كەلە جاتقانىن اتاپ ءوتتى.

وبلىستىق سوتتىڭ سۋدياسى ك.قانيەۆا قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىنىڭ نەگىزگى قاعيدالارى جانە اكىمشىلىك ىستەردى قاراۋدىڭ ەرەكشەلىكتەرىنە توقتالدى.

ءباسپاسوز كونفەرەنتسياسىنا قاتىسۋشىلار جۋرناليستەردىڭ سۇراقتارىنا جاۋاپ بەردى.