Bastyǵynyń shotyna aqsha aýdarǵan: Kóz jumǵan ofıerdiń ólimine qatysty tyń aqparat shyqty

Foto: ashyq derekkóz

Anasynyń sózinshe, Aıagózdegi garnızonynda «sýııd jasady» degen 26 jastaǵy ofıer Nursultan Aldamuratovtyń anasynyń aıtýynsha, uly óleriniń aldynda bastyǵynyń shotyna 213 myń teńge aýdarǵan, dep habarlaıdy qandastar.kz KYN.KZ aqparat agenttigine siltep.

«Balam maǵan 15 qyrkúıekte 213 myń teńge aqsha aýdaryp jiberdi. Biraz ýaqyttan keıin balam qaıtadan telefon shalyp, «Jańaǵy aqshany qaıtadan jiberińizshi, men bastyqqa jiberem dep sizge aýdaryp qoıyppyn», dedi. Sosyn men aqshany qaıtadan balama jiberdim. Sol kezde kóńilime kúdik uıalady. Balama ózim qaıta habarlastym da, «ol aqshany nege bastyǵyńa beresiń?» dedim. Ol: «Erteń saǵan «podemnyı» tússe, sen kóp aqsha aldyń dep árkim aqsha suraýy múmkin, sondyqtan maǵan aqshańdy aýdaryp qoı dedi bastyq» dedi Nursultan», – deıdi Botakóz Ysqaqova.

Anasy ulyna «bastyǵyńa aqshany berme, erteń qaıta surap júresiń be» degende, marqum jigit «ózim de sony oılap otyrmyn» dep jaýap bergen.

Botakóz Ysqaqova Nursultannyń ólimine sol aqsha sebep boldy ma dep oılaıdy.

«Osy aqsha úshin meniń balamdy jamandyqqa qıdy ma dep oılap otyrmyn. Bastyǵynyń aty – Nurjan Nurqabaev», – dedi ol.

Anasy ulynyń óz-ózin óltirdi degenge senbeıdi. «Jumysyna adal, jamandyqqa barmaıtyn, óz ómirin qııa salatyn bala emes edi» deıdi Botakóz Ysqaqova.

Eske salaıyq, ótken jumada Aıagóz garnızonynda ofıer kenetten kóz jumdy. Aldyn-ala boljam boıynsha, ol sýııd jasaǵan. Qorǵanys mınıstrligi marqumnyń qarjylyq qyzmette laýazym atqarǵanyn aıtty.