Jańalyqtar
Batyldyq, meıirim, myqty rýh – Elordada qaıyrymdylyqpen aınalysatyn jandar marapattaldy
Nursultan Nazarbaev qory men Qazaqstannyń isker áıelder qaýymdastyǵy altynshy jyl qatarynan «Qaıyrymdylyq kerýeni» baıqaýyn ótkizdi. Baıqaý ıgi is jasaıtyn adamdardy anyqtaýǵa jáne yntalandyrýǵa, qaıyrymdylyq ıdeıasyn nasıhattaýǵa baǵyttalǵan.
Búgingi jeńimpazdar arasynda adamdy ajaldan arashalaǵandar men qaıyrymdylyqpen aınalysyp, ulttyq qundylyqtardy nyǵaıtýǵa septigin tıgizip júrgen meenattar da bar.
Bir ǵana bıylǵy baıqaýǵa 949 ótinim kelip tússe, 6 jyldyń ishinde 4 myńǵa jýyq ótinim tirkelgen. Kommısııa múshelerine de jeńimazdardy anyqtaý ońaıǵa soqpaǵan. Sebebi is júzinde ár qatysýshy marapatqa laıyq.
Máselen, «Týǵan jer» nomınaııasynyń jeńimpazy, Jambyl oblysy Merke aýylynyń turǵyny Marııa Nısonova týabitti zaǵıp bolǵanyna qaramastan kóptegen adamnyń ómirine maǵyna syılaýda.
Marııa zaǵıp jáne nashar kóretin adamdarǵa arnalǵan kompıýterde jumys isteý, qolóner, doıby jáne shahmat oıyndaryn úıretý arqyly erekshe qajettiligi bar aýyl turǵyndaryna qoldaý kórsetedi. Sonymen birge, qaıyrymdylyq akııalaryn uıymdastyrady, fortepıanoda, baıanda oınaıdy. Ertegi jazyp, eresekter men balalarǵa ádebı keshter uıymdastyrady.
Baıqaýdyń «Asar» atalymynda Aqmola oblysy Qosshy qalasynan kelgen mýzykant Azamat Baqı jeńimpaz atandy. Ol Qurmanǵazy atyndaǵy konservatorııa túlegi jáne mýzykalyq aspaptarda oınap qana qoımaı, qoldan jasaýmen shuǵyldanady. Umyt bolǵan qazaq aspaptaryn zerttep, qaıta jańǵyrtýmen aınalysady. Kóptegen aspapty Qytaı men Mońǵolııadan ákelse, keıbirin ataqty mýzykanttar men ánshilerdiń urpaqtarynan satyp alǵan.
