Batys Qazaqstanda 27 jasóspirim qyz júkti bolyp qalǵan

Batys Qazaqstan oblysynda kámeletke tolmaǵan 27 qyz júkti bolyp qalǵan. Oblystyq densaýlyq saqtaý basqarmasy erte júkti bolǵandardyń deni 17 jasta ekenin aıtty, dep jazdy Qandastar.kz «Moı gorod«-qa silteme jasap.

Jastaıynan ana atanbaqshy bolǵan qyzdardyń tórteýi ǵana aýyldyq jerde turady eken. Qalǵany qalada.

О́tken jyly óńirde 65 qyz balanyń aıaǵy aýyr bolǵan. Byltyr kámeletke tolmaǵandar 11 sábıdi dúnıege ákelgen. Bıyl toǵyz qyz bosandy. Al 2023 jyly osyndaı segiz jaǵdaı tirkelgen.

Dárigerler qyz balanyń erte júkti bolýy onyń densaýlyǵyna zııan ekenin aıtyp, dabyl qaǵyp otyr.

«Jalpy erte júktilik dep 13-18 jasta bolatyn júktilikti aıtady. Jasóspirimderdiń júktiligi, kóbinese 14 pen 17 jas aralyǵynda kezdesedi. Erte júktilik eki ese qaýip tóndiredi: bul bolashaq ananyń densaýlyǵyna orasan zııan keltiredi, bul balanyń ózine de qaýipti», — deıdi vedomstvo.

Erte júkti bolǵan qyzdardyń tórteýi túsik tastapty. Etegi erte ashylǵan qyzdar keıde ata-anasynan qorqyp, aq halatty jandardyń qabyldaýynda bolmaı, túsik tastaýdyń túrli jolyn izdep jatady, deıdi dárigerler.