جاڭالىقتار
باتىس قازاقستانعا 150 ارنايى تەحنيكا جونەلتتى
الماتى وبلىسىنان 150 ارنايى تەحنيكا باتىس قازاقستانعا جول تارتتى.
وبلىستىق اكىمدىككە قاراستى مەكەمەلەر مەن اسكەري ءبولىم قىزمەتكەرلەرى تاسقىنمەن كۇرەسۋگە ارنالعان اۋىر تەحنيكالاردى قوناەۆ پەن الماتى قالاسىنداعى تەمىر جول بەكەتتەرىنەن جۇك تاسىمالدايتىن سوستاۆتارعا تيەپ جىبەردى. ءار تەحنيكاعا ءبىر جۇرگىزۋشىدەن بەكىتىلدى. ولار پويىزدىڭ باسىنداعى جولاۋشىلار ۆاگونىنا ورنالاستىرىلدى.
بۇل شاراعا وبلىس كاسىپكەرلەرى, ءىرى كاسىپورىندار مەن كوممۋنالدىق قىزمەتتەر, سونىمەن قاتار شارۋا قوجالىقتارى دا اتسالىستى. الماس باتانوۆ, وبلىس اكىمىنىڭ ورىنباسارى: — جول سالۋشى مەردىگەر كومپانيالاردىڭ تەحنيكالارى جۇمىلدىرىلدى جانە قۇرىلىستاعى تەحنيكالاردى جۇمىلدىرىپ, ءبىز كەشە 51 تەحنيكانى باتىس قازاقستان وبلىسىنا جىبەردىك ورال قالاسىنا.
71 تەحنيكا قازىر دايىن, سونى قازىر 1-2 ساعاتتا سول باتىس وڭىرىنە جىبەرەمىز جانە دە 41 تەحنيكا ءبىزدىڭ وسى جەردە ىستەيتىن كاسىپكەرلەر باسقا وڭىرلەردەن سول جاققا بەرىپ جاتىر.
