جاڭالىقتار
«باۋىردىڭ 90 پايىزىنا جايىلعان»: جامبىل وبلىسىندا دارىگەرلەر ناۋقاستىڭ ىشىنەن 6 كەلىلىك قاتەرلى ىسىكتى الىپ تاستادى
فوتو: ۆيدەودان سكرين/ناۋقاس
جامبىل وبلىستىق كوپسالالى ونكولوگيا جانە حيرۋرگيا ورتالىعىنىڭ دارىگەرلەرى ناۋقاستىڭ ىشىنەن سالماعى 6 كەلى قاتەرلى ىسىكتى الىپ شىقتى. بۇل تۋرالى qandastar.kz 24.kz ارناسىنا سىلتەمە جاساپ حابارلايدى.
مەركەن اۋدانىنىڭ 62 جاستاعى تۇرعىنى اۋىر جاعدايدا اۋرۋحاناعا تۇسكەن. ناۋقاس ءىشىنىڭ ءىسىنىپ كەتكەنىن جانە ءجۇرۋى مەن تىنىس الۋى قيىنداپ كەتكەنىن بايقاعان. ول ەكپە الۋعا ءماجبۇر بولىپ, ۆاكتسيناتسيا پۋنكتىنە بارعان. سول جەردەن ول شۇعىل دارىگەردىڭ تەكسەرىلۋىنە جىبەرىلدى.
«قاتەرلى ىسىك انىقتالىپ, ونى الىپ تاستاۋ ءۇشىن دارىگەرلەر 5 ساعات وتا جاسادى. 35 سانتيمەترگە دەيىن وسكەن ىسىك باۋىردىڭ 90%-ىنا جايىلعان. دارىگەرلەر قاتەرلى ىسىكتى زاماناۋي قوندىرعىلاردىڭ كومەگىمەن الىپ تاستادى», – دەپ جازدى باسىلىم.
جامبىل وبلىستىق كوپسالالى ونكولوگيا جانە حيرۋرگيا ورتالىعىنىڭ ءبولىم مەڭگەرۋشىسى ەرلان اراپوۆتىڭ ايتۋىنشا, ناۋقاس ءسال كەشىككەندە وتا بۇلاي ءساتتى اياقتالمايتىن ەدى دەيدى. ايتۋىنشا, قازىر مەتاستازدار جوق. ناۋقاس حيميالىق ەم قابىلدامايدى. تەك اۋرۋدىڭ الدىن الۋ ءۇشىن تارگەت تەراپياسى جاسالادى.
