«Baýyrym 45-ke keldi»: Qýandyq Bıshimbaevtyń ápkesi jelide jantebirenterlik jazba jarııalady

Eks-sheneýnik, byltyr azamattyq nekedegi áıeli Saltanat Núkenovany óltirgeni úshin 24 jylǵa sottalǵan Qýandyq Bıshimbaev týraly jańa aqparat tarady, dep habarlaıdy qandastar.kz

Ápkesi ony týǵan kúnimen quttyqtap, jelide jantebirenterlik jazba arnady, dep habarlaıdy Caravan.kz medıa portaly.

Arýjan Bıshimbaeva jelige baýyryn týǵan kúnimen quttyqtap, vıdeojazba qaldyrǵan.

Ol onda: «Baýyrym búgin 45-ke keldi. Sumyraılar men satqyndardyń áreketin qasqaıyp turyp qarsy alatyn densaýlyq tileımin. Ádildik ornasyn.

Búginde ony bári zulym etip kórsetip otyr. Biraq ýaqyt kele onyń nıeti taza emes jandardyń qurbany bolǵanyn biletin bolady» degen qysqa ǵana jazba qaldyrǵan ol.

Dese de, beınejazbada Qýandyq Bıshimbaevtyń jas kúnindegi el basqarǵan kezindegi fotosýretterin kórýge bolady. Kópshilik jazbaǵa oraı, jelide túrli pikirlerin jazyp jatyr. Olar ápkesi men baýyry bir-birine saı ekenin aıtýda.