«Baýyrjan Momyshuly áser etti»: Qazaqstandyq ánshi tegine qatysty oqıǵamen bólisti

Belgili hıtmen, mýzykant Ilhan Ihsan tegine qatysty suraqqa jaýap berdi. О́ner ıesi AIQAP podkastynda óziniń tegindegi «-ov» jalǵaýynan qalaı bas tartqanynyn bólisti, dep habarlaıdy Qandastar.kz

«Týý týraly kýáligimde «Ihsanov» dep jazylǵan. Jeke kýálik alar kezde famılııamnan «-ov»-ty, ákemniń atynan -vıchti alyp tastadym. Onyń ornyna «Aıapbergenuly» degendi jazdyrdym. Bul qadamǵa Baýyrjan Momyshulynyń oqıǵasy áser etti. Ol kisi marapattaýǵa «Momyshev» dep shaqyrǵanda, «men Momyshev emespin, Momyshuly dep shaqyrsańdar ǵana shyǵamyn» dep shyqpaı qoıǵany bar ǵoı. Sol sózi maǵan da áser etti. Odan keıin synyptastarym da tegindegi “ov»-ty alyp tastady, – dedi Ilhan.

Odan keıin, Ilhan shyqqan teginde ónerge jaqyn adamdardyń kóp bolǵanyn da aıtty.

“Meniń atalarymnyń bári ónerli bolypty. Besinshi atam Qurmanǵazynyń qasynda júrip, shákirti bolǵan. Oral jaqtyń týmasy bolǵasyn án-kúıge bir qadam jaqyn. Jetpis Isataıuly – Qurmanǵazynyń kúılerin kópshilikke taratqan adam. О́z atam Muqanov Ihsan da áke jolyn qýǵan dombyrashy. Men es bilgeli kúı tyńdap kelemin. Kózimdi ashqaly “Adaı” kúıin bilemin”, – dedi ánshi.